തിരുവനന്തപുരം: കമ്മീഷണർ സിനിമയിലെ സൂപ്പർഹിറ്റ് ഡയലോഗ് പൊതുവേദിയിൽ പറഞ്ഞ് കേന്ദ്രമന്ത്രി സുരേഷ് ഗോപി. താൻ ഇപ്പോഴും ഭരത്ചന്ദ്രനിൽ നിന്ന് വളർന്നിട്ടില്ലെന്ന വിമർശനങ്ങൾക്കായിരുന്നു പൊതുവേദിയിൽ സിനിമ ഡയലോഗിലൂടെ കേന്ദ്രമന്ത്രി മറുപടി പറഞ്ഞത്. അതേസമയം തന്റെ വിമർശകരോടായിരുന്നു സുരേഷ് ഗോപിയുടെ ഷിറ്റ് പറച്ചിൽ.
എന്നാൽ ജനങ്ങൾക്ക് ഭരത് ചന്ദ്രനെയാണ് വേണ്ടതെന്നും മന്ത്രി പറഞ്ഞു. ജനങ്ങൾക്ക് തന്നോടുളള ഇഷ്ടം ഇല്ലാതാക്കാനാണ് ശ്രമമെന്നും മന്ത്രി വിമർശിച്ചു. ഭരത്ചന്ദ്രനായി മാത്രമല്ല തമിഴ് പടം ദീനയിലെ ആദികേശവനായും മന്ത്രി മാറി. അതേസമയം ഈ ചിത്രത്തിലെ തമിഴ് ഡയലോഗ് കൂടി പറഞ്ഞാണ് മന്ത്രി വേദി വിട്ടത്. ഐസിഎസ്ഐ കൊച്ചി ചാപ്റ്ററിൻറെ പരിപാടിയിലായിരുന്നു കേന്ദ്രമന്ത്രി സുരേഷ്ഗോപിയുടെ ഈ മാസ് ഡയലോഗ്.
