കൊല്ലം: കൊല്ലം തെക്കുംഭാഗത്ത് കണ്ണില്‍ മുളക് സ്‌പ്രേ അടിച്ച ശേഷം യുവാവിനെ വെട്ടിക്കൊലപ്പെടുത്താന്‍ ശ്രമിച്ച കേസില്‍ ഒരു പ്രതി കൂടി പിടിയില്‍. തേവലക്കര പാലയ്ക്കല്‍ സ്വദേശി സനല്‍കുമാറാണ് അറസ്റ്റിലായത്. കേസില്‍ അന്‍സാരി എന്ന പ്രതി നേരത്തെ അറസ്റ്റിലായിരുന്നു. തേവലക്കര സ്വദേശി ഷംനാദിനെയാണ് മുന്‍വൈരാഗ്യത്തെ തുടര്‍ന്ന് പ്രതികള്‍ കൊലപ്പെടുത്താന്‍ ശ്രമിച്ചത്. ഷംനാദിന്റെ ഇരുകൈകള്‍ക്കും വലത് കാല്‍ മുട്ടിനും വെട്ടേറ്റിരുന്നു. കുടാതെ ഇരുമ്പ് കമ്പി കൊണ്ടുള്ള അടിയില്‍ തലയ്ക്കും പരിക്കേറ്റിരുന്നു.
കണ്ണില്‍ കുരുമുളക് സ്‌പ്രേ അടിച്ച ശേഷം വെട്ടിക്കൊല്ലാന്‍ ശ്രമിച്ച കേസില്‍; ഒരു പ്രതി കൂടി പിടിയില്‍
