ഇന്ത്യ-ന്യൂസിലാൻഡ് മൂന്നാം ടെസ്റ്റ് മത്സരത്തിൽ റെക്കോർഡ് നേട്ടവുമായി ഇന്ത്യൻ ഓൾറൗണ്ടർ രവീന്ദ്ര ജഡേജ. ഇന്ത്യക്കായി ഏറ്റവും കൂടുതൽ ടെസ്റ്റ് വിക്കറ്റ് നേടിയ അഞ്ച് താരങ്ങളുടെ ലിസ്റ്റിലേക്കാണ് ജഡേജയും ഇടം പിടിച്ചു. 309 വിക്കറ്റുകളുമായി മത്സരത്തിലെത്തിയ ജഡേജ അഞ്ച് വിക്കറ്റ് സ്വന്തമാക്കി. 311 ടെസ്റ്റ് വിക്കറ്റുണ്ടായിരുന്ന
ഇഷാന്ത് ഷർമ, സഹീർ ഖാൻ എന്നിവരെ മറികടന്നാണ് ജഡേജയും അഞ്ചാമതെത്തിയത്. മൂന്നാം വിക്കറ്റായി ഗ്ലെൻ ഫിലിപ്സിനെ പുറത്താക്കിയാണ് അദ്ദേഹം ഈ റെക്കോഡിലെത്തിയത്. 417 വിക്കറ്റുകളുമായി ഹർഭജൻ സിങ്, 434 വിക്കറ്റുമായി കപിൽ ദേവ്, 533 വിക്കറ്റുമായി തൻറെ ടീം മേറ്റ് രവിചന്ദ്രൻ അശ്വിൻ, ഇതിഹാസ താരം അനിൽ കുബ്ലെ എന്നിവരാണ് ജഡേജക്ക് മുന്നിലുള്ളത്.
