മുംബൈ: സഞ്ജു സാംസണിന്റെ പ്രകടനത്തില്‍ തനിക്ക് ഒരു പങ്കുമില്ലെന്ന് ഇന്ത്യന്‍ പരിശീലകന്‍ ഗൗതം ഗംഭീര്‍. സഞ്ജുവിന്റെ കഴിവു തന്നെയാണ് എല്ലാറ്റിന്റെയും അടിസ്ഥാനമെന്നും ഗംഭീര്‍ പറഞ്ഞു. ഇന്ത്യന്‍ ക്രിക്കറ്റിനായി സഞ്ജു ചെയ്യുന്ന കാര്യങ്ങളെല്ലാം വെറും തുടക്കം മാത്രമാണ്. അല്ലാതെ ഇത് ഇവിടെ അവസാനിക്കില്ല. ഈ ഫോമില്‍ ഏറെ ദൂരം മുന്നോട്ടുപോകാന്‍ കഴിയുമെന്ന് പ്രതീക്ഷിക്കുന്നവെന്നും ഗംഭീര്‍ പറഞ്ഞു.
Also Read: തോൽവിയോടെ മടക്കം: നിസ്റ്റർ റൂയി മാഞ്ചസ്റ്റർ യുണൈറ്റഡ് വിട്ടു
”അതില്‍ എനിക്ക് ഒരു പങ്കുമില്ലെന്ന് ഞാന്‍ കരുതുന്നു. അദ്ദേഹത്തിന്റെ കഴിവാണ് എല്ലാറ്റിന്റെയും അടിസ്ഥാനം. കൃത്യസ്ഥാനത്ത് കളിപ്പിക്കുകയും ഉറച്ച പിന്തുണ നല്‍കുകയുമാണ് നമുക്കു ചെയ്യാനാകുന്ന കാര്യം. ആത്യന്തികമായി ഇത് അദ്ദേഹത്തിന്റെ കഠിനാധ്വാനമാണെന്ന് ഞാന്‍ കരുതുന്നു. ഇന്ത്യന്‍ ക്രിക്കറ്റിനായി സഞ്ജു ചെയ്യുന്ന കാര്യങ്ങളെല്ലാം വെറും തുടക്കം മാത്രമാണ്. അല്ലാതെ ഇത് ഇവിടെ അവസാനിക്കില്ല. ഈ ഫോമില്‍ ഏറെ ദൂരം മുന്നോട്ടുപോകാന്‍ കഴിയുമെന്ന് പ്രതീക്ഷിക്കുന്നു.” ഗംഭീര്‍ പറഞ്ഞു.
