ന്യൂഡല്‍ഹി: ദുലീപ് ട്രോഫി രണ്ടാംറൗണ്ട് മത്സരങ്ങളിലേക്ക് ഇന്ത്യന്‍ താരം റിങ്കു സിങ്ങിനെ തിരഞ്ഞെടുത്തു. സെപ്റ്റംബര്‍ 12-ന് ആന്ധ്രാപ്രദേശിലെ അനന്ദ്പുരില്‍ രണ്ടാംറൗണ്ടിന് തുടക്കമാവും . അജിത് അഗാര്‍ക്കറിന്റെ നേതൃത്വത്തിലുള്ള ബി.സി.സി.ഐ. സെലക്ഷന്‍ കമ്മിറ്റിയാണ് റിങ്കുവിനെ ഉള്‍പ്പെടുത്തിയതായി പ്രഖ്യാപനം നടത്തിയത്. ബംഗ്ലാദേശിനെതിരായ പരമ്പരയുള്ളതിനാല്‍ ശുഭ്മാന്‍ ഗില്‍, കെ.എല്‍. രാഹുല്‍ ഉള്‍പ്പെടെയുള്ള താരങ്ങളെ ദുലീപ് ട്രോഫിയില്‍ ഉള്‍പ്പെടുത്തിയില്ല.
ALSO READ: രാജ്യത്തിന് ആഘോഷിക്കാൻ വീണ്ടുമൊരു നിമിഷം സൃഷ്ടിക്കുകയാണ് ലക്ഷ്യം: ഹർമൻപ്രീത് കൗർ
ബി സ്‌ക്വാഡില്‍നിന്ന് യശസ്വി ജയ്‌സ്വാള്‍, ഋഷഭ് പന്ത് പോലെയുള്ള താരങ്ങള്‍ക്ക് ബംഗ്ലാദേശിനെതിരായ പരമ്പരയില്‍ പങ്കെടുക്കേണ്ടതുള്ളതിനാല്‍ ദുലീപ് ട്രോഫിയുടെ ഭാഗമാകാൻ കഴിയില്ല. ഈ സ്ഥാനത്തേക്കാണ് റിങ്കുവിനെ പരിഗണിക്കാൻ ഒരുങ്ങിയത്. ധ്രുവ് ജുറേല്‍, കുല്‍ദീപ് യാദവ്, ആകാശ്ദീപ് എന്നിവരും ബംഗ്ലാദേശിനെതിരായ പരമ്പരയില്‍ ഉള്‍പ്പെട്ടിട്ടുണ്ട്.
ഇന്ത്യ എ യുടെ ക്യാപ്റ്റനായി മായങ്ക് അഗര്‍വാളിനെ നിശ്ചയിച്ചു. ഗില്ലിന് പകരം പ്രഥം സിങ്, കെ.എല്‍. രാഹുലിന് പകരം അക്ഷയ് വദ്കര്‍, ജുറേലിന് പകരം എസ്.കെ. റഷീദ് എന്നിവരെയും പരിഗണിച്ചു. കുല്‍ദീപിന് പകരം ശംസ് മുലാനിയെയും ആകാശ് ദീപിന് പകരം ആഖിബ് ഖാനെയും ഉള്‍പ്പെടുത്തി.
