ന്യൂഡൽഹി: ഡൽഹി വിമാനത്താവളത്തിൽനിന്ന് പറന്നുയരുന്നതിനിടെ വിമാനത്തിന്റെ പിൻഭാഗം റൺവേയിൽ ഇടിച്ചെന്ന് റിപ്പോർട്ട്. ബെംഗളൂരുവിലേക്ക് പുറപ്പെട്ട 6E 6054 നമ്പർ ഇൻഡിഗോ വിമാനമാണ് അപകടത്തിൽപ്പെട്ടത്. സെപ്റ്റംബർ ഒൻപതിന് നടന്ന സംഭവത്തിൽ കേടുപാടുപറ്റിയ വിമാനത്തിന്റെ ചിത്രങ്ങളടക്കം ഇപ്പോൾ പുറത്തുവന്നിട്ടുണ്ട്. വിമാനത്തിന്റെ ടെയിൽഭാഗത്തിന് താഴെ വിമാനം നിലത്തുരഞ്ഞതിന്റെ കേടുപാടുകള്‍ വ്യക്തമായി കാണാൻ കഴിയും.സംഭവത്തിൽ ആർക്കും പരിക്കില്ല.
ALSO READ: ജനാധിപത്യോത്സവം ശക്തമാക്കണം; വോട്ടെടുപ്പില്‍ പങ്കെടുക്കണമെന്ന് ആഹ്വാനം ചെയ്ത് പ്രധാനമന്ത്രി
റൺവേയിൽ പിൻഭാഗം ഇടിച്ചെന്ന വിവരം പൈലറ്റ് ഉടൻ എയർ ട്രാഫിക് കൺട്രോളറെ അറിയിക്കുകയും വിമാനം സുരക്ഷിതമായി നിലത്തിറക്കുകയുമായിരുന്നു ചെയ്തത്.ഡയറക്ടറേറ്റ് ജനറൽ ഓഫ് സിവിൽ ഏവിയേഷനും ഡൽഹി വിമാനത്താവള അധികൃതരും അന്വേഷണം നടത്തിവരികയാണ്. എന്നാൽ ഇൻഡിഗോ അധികൃതർ ഇതുവരെ പ്രതികരണം നടത്തിയിട്ടില്ല.
