ആരോഗ്യത്തിന് സഹായിക്കുന്നതില്‍ ചില മസാലകള്‍ ഏറെ ഗുണകരമാണ്. അടുക്കള വിഭവങ്ങളില്‍ മണവും രുചിയും നല്‍കുന്ന ഇവ പലതും പല ആരോഗ്യ ഗുണങ്ങളും നല്‍കുന്ന ഒന്നു കൂടിയാണ്. ഇത്തരത്തില്‍ ഒന്നാണ് കറുവാപ്പട്ട. സിന്നമണ്‍ എന്ന പേരുള്ള ഇത് ഏറെ നല്ല ഗുണങ്ങളുള്ള ഒന്നാണ്. ഭക്ഷണങ്ങളില്‍ ചേര്‍ക്കുന്ന ഒന്നാണിത്. കറുവപ്പട്ട വൃക്ഷത്തിന്റെ തടിയുടെ അകത്തെ തൊലിയില്‍ നിന്നാണ് ഈ സുഗന്ധവ്യഞ്ജനം ഉപയോഗത്തിനായി എടുക്കുന്നത്. കറുവപ്പട്ടയ്ക്ക് അതിന്റെ സുഗന്ധം ലഭിക്കുന്നത് സിന്നമല്‍ഡിഹൈഡ് എന്ന സംയുക്തത്തില്‍ നിന്നാണ്. ഇത് ഈ സുഗന്ധവ്യഞ്ജനത്തില്‍ സമ്പുഷ്ടമായ അളവില്‍ കാണപ്പെടുന്നു. ആരോഗ്യത്തിനും ഉപാപചയത്തിനും കറുവപ്പട്ട ഏറെ ഗുണപ്രദമാകുന്നത് ഈ സംയുക്തത്തിന്റെ സാന്നിധ്യം മൂലമാണെന്ന് ഗവേഷകര്‍ പറയുന്നു. കറുവാപ്പട്ട ദിവസവും കഴിയ്ക്കുന്നത് നല്‍കുന്ന ആരോഗ്യപരമായ ഗുണങ്ങള്‍ ചെറുതല്ല..,
ശരീരത്തിന് രോഗപ്രതിരോധ ശേഷി നല്‍കുന്ന ഒന്നു കൂടിയാണ് ഇതിലെ ചേരുവകള്‍. ദിവസവും ഇത് രാവിലെ കുടിയ്ക്കുന്നത് ശരീരത്തിന് പ്രതിരോധശേഷി നല്‍കുന്നു. ഇതു വഴിബാക്ടീരിയല്‍, ഫംഗല്‍ അണുബാധകളില്‍ നിന്നും ശരീരത്തെ സംരക്ഷിയ്ക്കുകയും ചെയ്യും.മോണ ആരോഗ്യത്തിന് ഉത്തമമാണിത്. ഇത് വായ് നാറ്റമകറ്റാനുള്ള നല്ലൊരു വഴിയാണ്. പല്ലു സംബന്ധമായ പ്രശ്നങ്ങള്‍ക്കും ഇതേറെ നല്ലതു തന്നെയാണ്. ഇതിന്റെ മധുരം പ്രമേഹത്തെ കുറയ്ക്കാന്‍ സഹായിക്കുന്നതാണ്. കൃത്രിമ മധുരങ്ങള്‍ക്കു പകരം ഇത് ഉപയോഗിയ്ക്കുന്നതു ഗുണം നല്‍കും. ഈ സുഗന്ധവ്യഞ്ജനത്തില്‍ അടങ്ങിയിരിക്കുന്ന ആന്റിഓക്സിഡന്റുകള്‍ ഫ്രീ റാഡിക്കലുകള്‍ മൂലമുണ്ടാകുന്ന ഓക്സിഡേറ്റീവ് നാശത്തില്‍ നിന്ന് നമ്മുടെ ശരീരത്തെ സംരക്ഷിക്കുന്നതാണ്. ഇത് പ്രകൃതിദത്തമായി വീക്കവും വേദനയും ശമിപ്പിക്കുന്ന ഒറ്റമൂലിയാണ്. കൂടാതെ, ഇത് ശരീരത്തെ അണുബാധകളില്‍ നിന്ന് സംരക്ഷിക്കുവാനും കോശങ്ങളുടെ കേടുപാടുകള്‍ പരിഹരിക്കാനും സഹായിക്കുംപ്രമേഹത്തിനുള്ള മികച്ചൊരു മരുന്നാണിത്. കറുവാപ്പട്ടയ്ക്ക് ഇന്‍സുലിന്‍ റെസിസ്റ്റന്‍സ് കുറയ്ക്കാന്‍ സാധിയ്ക്കുന്നു. ഇതാണ് തടി കുറയ്ക്കാന്‍ സഹായിക്കുന്നതും. ഇതിട്ടു വെള്ളം കുടിയ്ക്കുന്നതും ഭക്ഷണത്തില്‍ ചേര്‍ക്കുന്നതും നല്ലതാണ്.
സാധാരണ പ്രമേഹ രോഗികളിലെത്തുന്ന പഞ്ചസാര രക്തത്തിലെ ഷുഗര്‍ തോത് വര്‍ദ്ധിപ്പിയ്ക്കുന്നു. ഇത് ശരീരത്തിലെ അവയവങ്ങളെ കേടു വരുത്തുന്നു. ഇതെല്ലാം തടയാന്‍ കറുവാപ്പട്ട നല്ലതാണ്. രക്തത്തില്‍ പെട്ടെന്ന് ഷുഗര്‍ ഉയരുമ്പോള്‍ നടക്കുന്ന ഓക്സിഡേറ്റീവ് സ്ട്രെസ് കുറയ്ക്കാന്‍ കറുവാപ്പട്ട നല്ലതാണ്. കറുവാപ്പട്ട സ്ഥിരം കഴിയ്ക്കുന്നവരില്‍ ഫാസ്റ്റിംഗ് ബ്ലഡ് ഷുഗര്‍ കുറയുന്നു. തടി കുറയ്ക്കാനുളള മികച്ചൊരു മരുന്നു കൂടിയാണ് കറുവാപ്പട്ട. ഇത് ശരീരത്തിലെ മെറ്റബോളിസം കൃത്യമാക്കി തടി കുറയ്ക്കുന്നു. ശരീരത്തിലെ ചൂട് വര്‍ദ്ധിപ്പിയ്ക്കുന്നു. ദഹനം മെച്ചപ്പെടുത്തുന്നു. ഇതെല്ലാം തന്നെ തടി കുറയ്ക്കാന്‍ സഹായിക്കുന്ന ഘടകങ്ങളാണ്. കറുവാപ്പട്ട വെള്ളവും തേനും ചേര്‍ത്ത് കഴിയ്ക്കുന്നതാണ് തടി കുറയ്ക്കാന്‍ സഹായകമാകുന്നത്. ഇതുപോലെ മധുരം തടി കൂട്ടുന്ന ഒന്നാണ്. കറുവാപ്പട്ടയ്ക്ക് സ്വാഭാവിക മധുരമുണ്ട്. ഇതിനാല്‍ തന്നെ മധുരത്തിന് പകരം പല ഭക്ഷണ വസ്തുക്കളിലും ഇത് ചേര്‍ക്കുന്നത് നല്ലതാണ്.
കറുവാപ്പട്ട വാങ്ങുമ്പോള്‍ ശുദ്ധമായത് നോക്കി വാങ്ങിയ്ക്കണം. അല്ലാത്തത് ഗുണത്തിന് പകരം ദോഷം വരുത്തും. കാസിയ സിന്നമണ്‍ ആണ് കൂടുതല്‍ ലഭ്യമാകുന്നത്. ഇതിന് വേണ്ടത്ര ഗുണം ലഭിയ്ക്കില്ല. സിലോണ്‍ സിന്നമണിന് വില കൂടുതലാണ്. എന്നാല്‍ കാസിയയില്‍ സിന്നമാല്‍ഡിഹൈഡ് തീരെ കുറവാണ്. മാത്രമല്ല, ഇതില്‍ കൗമാരിന്‍ എന്ന വിഷാംശവുമുണ്ട്. ഇത് സ്ഥിരം ശരീരത്തില്‍ എത്തിയാല്‍ ദോഷമാണ്. കറുവാപ്പട്ട സിലോണ്‍ ആണെങ്കില്‍ തീരെ കട്ടി കുറവാണ്. പേപ്പര്‍ പോലെ നേര്‍ത്തതാകും, ഇവ. പെട്ടെന്ന് ഒടിഞ്ഞു പോകും.വളരെ ലൈറ്റ് മഞ്ഞ നിറമാണ് ഇത്. ഇത് പെട്ടെന്നു പൊടിയ്ക്കാന്‍ സാധിയ്ക്കും. എന്നാല്‍ കാസിയക്കു വില കുറവാണ്. കടുത്ത ബ്രൗണ്‍ നിറമാകും. പെട്ടെന്ന് ഒടിയില്ല, മിക്സിയില്‍ എളുപ്പം പൊടിയ്ക്കാനം പറ്റില്ല. ഇതു പോലെ തന്നെ കറുവാപ്പട്ട പൊടിയായി ഉപയോഗിയ്ക്കുന്നതാണ് കൂടുതല്‍ നല്ലതും.
