മുല്ലപ്പൂ ചായയെ കുറിച്ച് കേട്ടിട്ടുണ്ടോ? എപ്പോഴെങ്കിലും നിങ്ങൾ മുല്ലപ്പൂവ് ചായ കുടിച്ചിട്ടുണ്ടോ? ഒന്ന് കുടിച്ചു നോക്കിയാലോ. ആദ്യം ഇത് എങ്ങനെ തയ്യാറാക്കാം എന്ന് നോക്കാം.
വേണ്ട ചേരുവകൾ
ഉണക്കിയ മുല്ലപ്പൂവ് 100 ഗ്രാം
ചായ പൊടി 1 സ്പൂൺ
വെള്ളം 2 ഗ്ലാസ്‌
പഞ്ചസാര / തേൻ 2 സ്പൂൺ
തയ്യാറാക്കുന്ന വിധം
ഉണക്കിയ മുല്ലപ്പൂവിനെ കുറച്ചു വെള്ളത്തിലേക്ക് ഇട്ടുകൊടുക്കുക. ഒരു 5 മിനിറ്റ് അടച്ചു വച്ചതിനുശേഷം ഇത് നന്നായിട്ട് തിളപ്പിക്കുക. ശേഷം അതിലേക്ക് ചായപ്പൊടി കൂടി ചേർത്തു കൊടുക്കാം. ഒന്നുടെ തിളച്ച് വരുമ്പോൾ ഇതിലേക്ക് ആവശ്യത്തിന് പഞ്ചസാരയോ തേനോ കൂടി ചേർത്തു കൊടുത്ത് നന്നായിട്ട് ഇളക്കി യോജിപ്പിച്ച് അരിച്ചെടുത്തോളൂ..കിടിലൻ മുല്ലപ്പൂ ചായ റെഡി.
