കൊച്ചി: ‘ജമീലാന്റെ പൂവന്‍കോഴി’ തീയേറ്ററുകളിലേക്ക്. നവാഗതനായ ഷാജഹാന്‍ സംവിധാനം ചെയ്ത ചിത്രമാണിത്. ടൈറ്റില്‍ കഥാപാത്രമായി എത്തുന്നത് ബിന്ദു പണിക്കരാണ്. ജമീലയായിയാണ് ബിന്ദു പണിക്കര്‍ എത്തുന്നത്. മിഥുന്‍ നളിനിയാണ് ചിത്രത്തിലെ നായകന്‍. ചിത്രത്തിലെ രണ്ട് ഗാനങ്ങളും, ടീസറും അണിയറ പ്രവര്‍ത്തകര്‍ പുറത്തുവിട്ടിട്ടുണ്ട്. പുതുമുഖതാരം അലീഷയാണ് നായിക നര്‍മ്മരസങ്ങളായ ജീവിതങ്ങളെ കോര്‍ത്തിണക്കി നമുക്ക് ചുറ്റും നടക്കുന്ന സാമൂഹിക പ്രശ്‌നങ്ങളെ വെള്ളിത്തിരയിലെത്തിക്കുന്ന ജമീലാന്റെ പൂവന്‍കോഴി ഈ മാസം തീയേറ്ററുകളിലേക്കെത്തും. കോമഡിക്ക് പ്രാധാന്യമുള്ള ഒരു ഫാമിലി എന്റര്‍ടെയ്‌നര്‍ കൂടിയാണ് ജമീലാന്റെ പൂവന്‍കോഴി.
ഇത്ത പ്രൊഡക്ഷന്‍സിന്റെ ബാനറില്‍ ഫസല്‍ കല്ലറയ്ക്കല്‍, നൗഷാദ് ബക്കര്‍ എന്നിവരാണ് ചിത്രം നിര്‍മ്മിക്കുന്നത്. എറണാകുളം പശ്ചിമകൊച്ചിയുടെ സാമൂഹിക പശ്ചാത്തലത്തിലാണ് സിനിമയുടെ കഥ പറയുന്നത്.അവിടെയൊരു കോളനിയിലെ സാധാരണക്കാരായ മനുഷ്യരുടെ ജീവിതങ്ങളിലൂടെയാണ് ചിത്രം കടന്നുപോകുന്നത്.ഒരു കോളനിയുടെ പശ്ചാത്തലത്തില്‍ ഒരു അമ്മയുടെയും മകന്റെയും കഥ പറയുന്ന ഈ സിനിമ കേവലം കുടുംബകഥ മാത്രമല്ല അതിനുമപ്പുറം വളരെ ഗൗരവമായ ചില പ്രശ്‌നങ്ങളിലേക്കും കടന്നപോകുന്നുണ്ട്
കുബളങ്ങി നൈറ്റ്‌സില്‍ ഏറെ ശ്രദ്ധേയമായ വേഷം ചെയ്ത സൂരജ് പോപ്പ്‌സ് ഈ ചിത്രത്തില്‍ ഒരു പ്രധാനവേഷം ചെയ്യുന്നുണ്ട്.ഏറെ പ്രേക്ഷകശ്രദ്ധ നേടിയ തീവണ്ടിയിലെ നിഴല്‍നായകവേഷം ചെയ്ത മിഥുന്‍ ആദ്യമായി നായകനാകുന്നു എന്നതും ജമീലാന്റെ പൂവന്‍കോഴിയുടെ എടുത്തുപറയേണ്ട മറ്റൊരു പ്രത്യേകത കൂടിയാണ്.
