ഒരുപാട് ആരാധകരുള്ള ബോളിവുഡ് നടിയാണ് ജാന്‍വി കപൂര്‍. നടി പങ്കുവയ്ക്കുന്ന പോസ്റ്റുകളൊക്കെ സോഷ്യല്‍ മീഡിയയില്‍ വളരെ ശ്രദ്ധ നേടാറുമുണ്ട്. എന്നാൽ ഇപ്പോഴിതാ ജാന്‍വിയുടെ ഏറ്റവും പുത്തന്‍ ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്. തന്‍റെ ആദ്യ തെലുങ്ക് ചിത്രമായ ദേവര പാര്‍ട്ട് 1-ന്‍റെ പ്രെമോഷന്‍റെ ഭാഗമായാണ് താരം ഈ ചിത്രങ്ങള്‍ പങ്കുവച്ചത്.
ഒരു ആകാശ നീലനിറമുള്ള ദാവണിയില്‍ മനോഹരിയായിരിക്കുന്ന ജാന്‍വിയെ ആണ് ചിത്രങ്ങളില്‍ കാണുന്നത്. ഗ്ലിറ്റര്‍ തിളക്കമുള്ള ഈ നീല നിറമുള്ള ഒരു ദാവണി ആണ് ജാന്‍വി ധരിച്ചിരിക്കുന്നത്. സില്‍വര്‍ ജിമിക്കി കമ്മലും മാലയും വളകളും താരം അണിഞ്ഞിട്ടുണ്ട്. ചിത്രങ്ങള്‍ ജാന്‍വി തന്നെയാണ് തന്‍റെ ഇന്‍സ്റ്റഗ്രാമിലൂടെ പങ്കുവച്ചത്. അതേസമയം ജാന്‍വിയുടെ ഈ ട്രെഡീഷണല്‍ ലുക്കിന് നല്ല അഭിപ്രായമാണ് ലഭിക്കുന്നത്.
Also Read: ഇന്ത്യയുടെ ഓസ്‍കര്‍ എന്‍ട്രിയായി ഹിന്ദി ചിത്രം ‘ലാപത്താ ലേഡീസ്’
അതേസമയം ജാന്‍വിയുടെ ആദ്യ തെലുങ്ക് ചിത്രമായ ദേവര പാര്‍ട്ട് 1 സെപ്‍തംബര്‍ 27നാണ് റിലീസ്. ജൂനിയർ എൻടിആര്‍ നായകനാകുന്ന ആക്ഷൻ ഡ്രാമ കൊരട്ടാല ശിവയാണ് സംവിധാനം ചെയ്തിരിക്കുന്നത്. ചിത്രത്തിൽ സെയ്ഫ് അലി ഖാന്‍, പ്രകാശ് രാജ്, ശ്രീകാന്ത് മേക്ക, ഷൈൻ ടോം ചാക്കോ, നരേൻ എന്നിവരും ചിത്രത്തില്‍ അഭിനയിച്ചിട്ടുണ്ട്.
