ജയം രവി നായകനായി വരാനിരിക്കുന്ന ചിത്രമാണ് ‘കാതലിക്കാ നേരമില്ലെ’. നിത്യാ മേനനാണ് നായികയായി എത്തുക. ചിത്രത്തിന്റെ റിലീസ് തിയ്യതിയെ കുറിച്ചുള്ള വാര്‍ത്തയാണ് ശ്രദ്ധയാകര്‍ഷിക്കുന്നത്. ‘കാതലിക്കാ നേരമില്ലെ’ ഡിസംബര്‍ 20 നാകും തിയറ്ററുകളില്‍ എത്തുക എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
ചിത്രത്തില്‍ തനിക്കും നിത്യ മേനോനും തുല്യ പ്രധാന്യമാണുള്ളതെന്ന് ജയം രവി നേരത്തെ ഒരു അഭിമുഖത്തില്‍ പറഞ്ഞിരുന്നു. അതുകൊണ്ട് തന്നെ നിത്യ മേനോന്റെ പേരാണ് സിനിമയില്‍ ആദ്യം ഉപയോഗിച്ചിട്ടുള്ളതെന്നും ജയം രവി വ്യക്തമാക്കിയിരുന്നു. ലക്ഷ്മി രാമകൃഷ്ണനും ചിത്രത്തില്‍ പ്രധാന വേഷത്തിലെത്തുന്നു. കിരുത്തിഗ ഉദനിധിയാണ് ചിത്രത്തിന്റെ സംവിധാനം നിര്‍വഹിക്കുന്നത്.
