ന്യൂഡൽഹി: ജിം ട്രെയിനറെ ഫ്ലാറ്റിൽ കൊല്ലപ്പെട്ട നിലയിൽ കണ്ടെത്തി. അസം സ്വദേശിയായ സ്നേഹ നാഥിനെ (21) യാണ് കൊല്ലപ്പെട്ട നിലയിൽ കണ്ടെത്തിയത്. അബോധാവസ്ഥയിൽ ഫ്ലാറ്റിൽ കണ്ട ഇവരെ പൊലീസ് ഉടൻആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ദ്വാരകയിലെ ഫ്ലാറ്റിൽ താമസിക്കുകയായിരുന്നു സ്നേഹ. കൊലപാതകത്തിൽ അസം സ്വദേശിയായ രാജ് (24) എന്ന ചെറുപ്പക്കാരനെ പൊലീസ് അറസ്റ്റ് ചെയ്തിട്ടുണ്ട്. ഇരുവരും നേരത്തെ സുഹൃത്തുക്കളായിരുന്നു. വാക്കു തർക്കത്തെ തുടർന്നായിരുന്നു കൊലപാതകമെന്ന് പൊലീസ് പറയുന്നു.
