ജിയോ റീചാര്‍ജ് പ്ലാനുകളുടെ വില വര്‍ദ്ധിപ്പിച്ചിട്ടുണ്ട് എങ്കിലും, ഉപയോക്താക്കള്‍ക്ക് പണത്തിന് വലിയ മൂല്യം നല്‍കുന്ന ചില മികച്ച റീചാര്‍ജ്ജ് ഓപ്ഷനുകള്‍ ജിയോ ഇപ്പോഴും നല്‍കുന്നു. അത്തരം ഒരു പ്ലാന്‍ ആണ് 3999 രൂപയുടെ വാര്‍ഷിക റീചാര്‍ജ് പ്ലാന്‍. ഉപയോക്താക്കള്‍ക്ക് ഒരു വര്‍ഷം മുഴുവനും തടസ്സമില്ലാത്ത സേവനങ്ങള്‍ ആസ്വദിക്കാന്‍ കഴിയുമെന്ന് ഈ പ്ലാന്‍ ഉറപ്പാക്കുന്നു. ഇത് പ്രതിമാസ റീചാര്‍ജുകളുടെ ബുദ്ധിമുട്ടില്‍ നിന്ന് രക്ഷിക്കുകയും ചെയ്യുന്നു.
വര്‍ഷത്തില്‍ 365 ദിവസത്തേക്ക് ഇനി റീചാര്‍ജ് തടസ്സങ്ങളൊന്നുമില്ലാതെ ആസ്വദിക്കാന്‍ ആകും. ജിയോയുടെ 3999 രൂപയുടെ റീചാര്‍ജ് പ്ലാന്‍ കമ്പനിയുടെ വാര്‍ഷിക പ്ലാന്‍ ഓഫറുകളുടെ ഭാഗമാണ്. ഇത് ദീര്‍ഘകാലത്തേക്ക് വിപുലമായ ആനുകൂല്യങ്ങള്‍ നല്‍കുന്നു. ഒറ്റയടിക്ക് 3999 രൂപ അടയ്ക്കുന്നത് ഒരുപാട് വില ഉള്ളതായി തോന്നിയേക്കാം. എന്നാല്‍ 365 ദിവസങ്ങളില്‍ അത് നല്‍കുന്ന മൂല്യം സമാനതകള്‍ ഇല്ലാത്തതാണ്. ഈ പ്ലാന്‍ ഇന്ത്യയിലെ എല്ലാ നെറ്റ്വര്‍ക്കുകളിലേക്കും അണ്‍ലിമിറ്റഡ് സൗജന്യ കോളിംഗ് വാഗ്ദാനം ചെയ്യുന്നു. അത് കൊണ്ട് തന്നെ, ടോക്ക് ടൈം തീരുന്നതിനെ കുറിച്ച് ഉപയോക്താക്കള്‍ വിഷമിക്കേണ്ടതില്ല.
കോളിംഗിന് പുറമേ, പ്ലാനില്‍ പ്രതിദിനം 100 സൗജന്യ എസ്എംഎസ് ഉള്‍പ്പെടുന്നു. എസ്എംഎസ് കാലത്തേക്ക് തിരിച്ച് പോകാന്‍ ഈ ആനൂകൂല്യം ഉപയോക്താക്കളെ പ്രേരിപ്പിക്കും. അതായത് 6500 എസ്എംഎസ് വര്‍ഷം മുഴുവനും അയക്കാന്‍ ഉപയോക്താക്കള്‍ക്ക് സാധിക്കും. വലിയ ഡാറ്റ അലവന്‍സും ഈ പ്ലാനില്‍ ലഭ്യമാണ്. പ്രതിദിനം 2.5 ജിബി + അണ്‍ലിമിറ്റഡ് 5ജി ഡാറ്റ ആണ് ഈ പ്ലാനില്‍ വാഗ്ദാനം ചെയ്യുന്നത്. 3,999 രൂപയുടെ പ്ലാന്‍ വലിയ അളവില്‍ ഡാറ്റ ആവശ്യമുള്ള ഉപയോക്താക്കള്‍ക്ക് അനുയോജ്യമാണ്. ജിയോ 365 ദിവസങ്ങളില്‍ 912.5 ജിബി ഹൈ-സ്പീഡ് ഡാറ്റ വാഗ്ദാനം ചെയ്യുന്നു.
ജിയോയുടെ 5ജി നെറ്റ്വര്‍ക്ക് കവറേജ് ഉള്ള പ്രദേശങ്ങളില്‍ ഉള്ളവര്‍ക്ക്, ഈ പ്ലാനില്‍ അണ്‍ലിമിറ്റഡ് ട്രൂ 5ജി ഡാറ്റ ഉള്‍പ്പെടുന്നതിനാല്‍, ഡാറ്റ പരിധികളെ കുറിച്ച് ആകുലപ്പെടാതെ ഉപയോക്താക്കളെ സ്ട്രീം ചെയ്യാനും ബ്രൗസ് ചെയ്യാനും ഡൗണ്‍ലോഡ് ചെയ്യാനും പ്രാപ്തമാക്കുന്നതിനാല്‍ ഈ ആനുകൂല്യങ്ങള്‍ കൂടുതല്‍ പ്രാധാന്യമര്‍ഹിക്കുന്നു. ഇതൊന്നും കൂടാതെ സൗജന്യ ഒടിടി (OTT) സബ്സ്‌ക്രിപ്ഷന്‍ അധിക ആനുകൂല്യങ്ങളില്‍ ഒന്നാണ്. ജിയോയുടെ 3,999 രൂപയുടെ പ്ലാനില്‍ നിരവധി മൂല്യവര്‍ധിത സേവനങ്ങളും ഉണ്ട്. ഉപയോക്താക്കള്‍ക്ക് സൗജന്യ ഫാന്‍ കോഡ് സബ്സ്‌ക്രിപ്ഷന്‍, ഒടിടി സ്ട്രീമിംഗിനായി ജിയോ സിനിമയിലേക്ക് ഉള്ള ആക്സസ്, ജിയോ ടിവി, ജിയോ ക്ലൗഡ് എന്നിവയിലേക്ക് ഉള്ള സൗജന്യ സബ്സ്‌ക്രിപ്ഷനുകള്‍ എന്നിവ ലഭിക്കും. Advertisement കൂടാതെ, അണ്‍ലിമിറ്റഡ് കോളുകള്‍ മുതല്‍ എന്റര്‍ടൈന്‍മെന്റ് വരെ ഒറ്റ റീചാര്‍ജില്‍ വാഗ്ദാനം ചെയ്യുന്നതിലൂടെ ഈ അധിക ആനുകൂല്യങ്ങള്‍ ഈ പ്ലാനിനെ സമ്പൂര്‍ണ്ണ എന്റര്‍ടൈന്‍മെന്റ്, ടെലികോം പാക്കേജാക്കി മാറ്റുന്നു. നിങ്ങള്‍ ഈ ആനൂകൂല്യങ്ങള്‍ എല്ലാം ഉപയോഗിക്കാന്‍ സാധ്യത ഉള്ളവര്‍ ആണെങ്കില്‍ തീര്‍ച്ചയായും വാര്‍ഷിക പ്ലാന്‍ പ്രയോജനകരമാകും.
