വെനസ്വേല: ലോക മുത്തച്ഛന്‍ എന്നറിയപ്പെട്ടിരുന്ന ഏറ്റവും പ്രായം കൂടിയ മനുഷ്യന് വിടവാങ്ങി. ഗിന്നസ് വേള്‍ഡ് റെക്കോര്‍ഡില്‍ ഇടം നേടിയ വെനസ്വേലന്‍ ജുവാന്‍ വിസെന്റെ പെരസ് മോറ തന്റെ 115-ാം ജന്മദിനത്തിന് ആഴ്ചകള്‍ മാത്രം ശേഷിക്കെയാണ് വിടപറഞ്ഞത്.
2022 ഫെബ്രുവരി നാലിനാണ് 112 വയസ്സും 253 ദിവസവും പ്രായമുള്ള
മോറയ്ക്ക് ഗിന്നസ് ബുക്ക് ഓഫ് റെക്കോര്‍ഡ്സ് ഏറ്റവും പ്രായം കൂടിയ പുരുഷനായി തിരഞ്ഞെടുത്തത്. 1909 മെയ് 27-നായിരുന്നു മോറയുടെ ജനനം.
അദ്ദേഹത്തിന് 11 മക്കളുണ്ട്. ഇവര്‍ക്കെല്ലാമായി 41 മക്കളുണ്ട്. അവരുടെ മക്കള്‍ക്ക് 18 മക്കളും അവരുടെ മക്കള്‍ക്ക് 12 മക്കളുമുണ്ട്. കഠിനാധ്വാനം,വിശ്രമം, കൃത്യമായ ഉറക്കം, ദൈവഭക്തി എന്നിവയാണ് തന്റെ ദീര്‍ഘായുസ്സിന് കാരണമെന്ന് അദ്ദേഹം മുന്‍പ് പറഞ്ഞിട്ടുണ്ട്. 2020-ല്‍ കൊവിഡിനെയും അദ്ദേഹം അതിജീവിച്ചിരുന്നു.
