ചര്‍മ്മ സംരക്ഷണത്തില്‍ ഏറെ ശ്രദ്ധ നല്‍കുന്ന ആളുകള്‍ക്ക് മുഖം സ്‌ക്രബ് ചെയ്യേണ്ടതിന്റെ പ്രാധാന്യം അറിയാമായിരിക്കും. ഇതിനായി, ഏതൊരു ചര്‍മ്മ സംരക്ഷണ ദിനചര്യയ്ക്കും ഒരു എക്‌സ്‌ഫോളിയേറ്റിംഗ് ഫെയ്‌സ് സ്‌ക്രബ് വിവിധ ഗുണങ്ങള്‍ നല്‍കുന്നു. നിങ്ങള്‍ക്ക് മങ്ങിയതോ വരണ്ടതോ ആയ ചര്‍മ്മമോ എണ്ണമയമുള്ള ചര്‍മ്മമോ ആണെങ്കില്‍, മികച്ച രീതിയില്‍ മുഖം വൃത്തിയാക്കുന്നത് ചര്‍മ്മ സംരക്ഷണത്തിന് ഒരുപാട് ഗുണങ്ങള്‍ ചെയ്യ.
ഒരു ഫേഷ്യല്‍ സ്‌ക്രബ് ഉപയോഗിക്കുന്നത് നിങ്ങളുടെ ചര്‍മ്മത്തെ മനോഹരവും മൃദുവും തിളക്കമാര്‍ന്നതുമാക്കി മാറ്റും. അതിന്റെ എല്ലാ ആനുകൂല്യങ്ങളും ഉപയോഗിക്കുവാന്‍, നിങ്ങളുടെ ചര്‍മ്മസംരക്ഷണ ദിനചര്യയുടെ ഭാഗമായി ഒരു ഫേഷ്യല്‍ സ്‌ക്രബ് സ്വയം തയ്യാറാക്കുന്ന കാര്യം നിങ്ങള്‍ പരിഗണിക്കണം. നിങ്ങളുടെ എക്‌സ്‌ഫോളിയേറ്റിംഗ് ഫെയ്‌സ് സ്‌ക്രബ് പരമാവധി പ്രയോജനപ്പെടുത്തുന്നതിന്, ഇത് എങ്ങനെ ശരിയായി ഉപയോഗിക്കണമെന്നും നിങ്ങള്‍ അറിയേണ്ടതുണ്ട്.
ചര്‍മ്മത്തില്‍ അവശിഷ്ടങ്ങളോ സൗന്ദര്യവര്‍ധക വസ്തുക്കളോ അവശേഷിക്കുന്നില്ലെന്ന് ഉറപ്പാക്കാന്‍ മുഖം കഴുകുക. നിങ്ങളുടെ മുഖം മുഴുവന്‍ നനച്ചുവെന്ന് ഉറപ്പാക്കുക. കുറച്ച് സ്‌ക്രബ് എടുത്ത് മുഖത്തും കഴുത്തിലും പുരട്ടി മസാജ് ചെയ്യുക. കൂടാതെ, നിങ്ങളുടെ കണ്ണില്‍ സ്‌ക്രബ് വരാതിരിക്കാന്‍ പ്രത്യേകം ശ്രദ്ധിക്കുക. നിങ്ങള്‍ അമിതമായി ഉരച്ച് തേക്കുകയോ മുഖത്ത് സ്‌ക്രബ് കുറെ നേരത്തേക്ക് ചെയ്യുന്നില്ലെന്ന് ഉറപ്പാക്കുക. നിങ്ങള്‍ മസാജ് ചെയ്തുകൊണ്ട് സ്‌ക്രബ് എല്ലാം നീക്കം ചെയ്തിട്ടുണ്ടെന്ന് ഉറപ്പാക്കുക. ഇതെല്ലാം കഴുകിക്കളയുമ്പോള്‍ ചര്‍മ്മത്തിന് മിനുസമാര്‍ന്ന മൃദുലത അനുഭവപ്പെടും.
സ്‌ക്രബിന്റെ എല്ലാ അവശിഷ്ടങ്ങളും നീക്കം ചെയ്യുന്നത് ഉറപ്പാക്കുക. മൃദുവായ ടവ്വല്‍ കൊണ്ട് തുടച്ച് മുഖം ഉണക്കാം. നിങ്ങളുടെ ചര്‍മ്മസംരക്ഷണ ദിനചര്യയുടെ ബാക്കി ഘട്ടങ്ങള്‍ കൃത്യമായി പിന്തുടരുക. നിങ്ങള്‍ക്ക് എണ്ണമയമുള്ളതോ ഇടകലര്‍ന്ന ചര്‍മ്മമോ ഉണ്ടെങ്കിലും, ചര്‍മ്മസംരക്ഷണ ദിനചര്യയുടെ ഒരു പ്രധാന ഭാഗമാണ് മോയ്‌സ്‌ചറൈസിങ്. പ്രത്യേകിച്ചും ഫേഷ്യല്‍ സ്‌ക്രബ് ഉപയോഗിച്ച് നിര്‍ജീവ ചര്‍മ്മം പുറംതള്ളിയ ശേഷം. ചര്‍മ്മത്തെ പോഷിപ്പിക്കുകയും സമതുലിതമാക്കുകയും ചെയ്യാന്‍ ഇത് സഹായിക്കുന്നു.
