തിരുവനന്തപുരം: കരാര് ലംഘിച്ച കൊപ്ര വിതരണ കമ്പനിക്ക് പച്ചത്തേങ്ങ സംഭരണത്തിന് കേര ഫെഡിന്റെ പച്ചകൊടി. കണ്ണൂരിലെ ഊമല നാളികേര ട്രേഡേഴ്സിനാണ് കേരഫെഡിന്റെ വഴിവിട്ട സഹായം. കരാര് വ്യവസ്ഥ അനുസരിച്ച് 225.74 മെട്രിക് ടണ് കൊപ്രയാണ് ഊമല കേരഫെഡിന് നല്കാനുള്ളത്. കാസര്ഗോഡ്, കണ്ണൂര് ജില്ലകളിലെ പച്ചത്തേങ്ങ സംഭരണ ചുമതല വീണ്ടും ഊമലയ്ക്ക് തന്നെയാണ് കേരഫെഡ് നല്കിയിരിക്കുന്നത്.
സംഭരിക്കുന്ന പച്ചത്തേങ്ങയുടെ 30% കൊപ്രയായി തിരിച്ച് നല്കണമെന്നാണ് ഊമല നാളികേര ട്രേഡേഴ്സ്സും കേരഫെഡും തമ്മിലുള്ള കരാര്. ഇതനുസരിച്ച് കാസര്ഗോഡ്, കണ്ണൂര് ജില്ലകളില് നിന്നും 5904.23 മെട്രിക് ടണ് കൊപ്രയാണ് ഊമല ട്രേഡേഴ്സ് സംഭരിച്ചത്. പക്ഷെ കേരഫെഡിന് ഊമല ട്രേഡേഴ്സ് തിരിച്ച് നല്കിയതാകട്ടെ 1492.39 മെട്രിക് ടണ് കൊപ്ര മാത്രം. കരാര് വ്യവസ്ഥ അനുസരിച്ച് 225.74 മെട്രിക് ടണ് ക്രൊപ്രയുടെ കുറവാണുള്ളത്.