കൊച്ചി; സിഎസ്ഐ ദക്ഷിണ കേരള മഹാ ഇടവക ആസ്ഥാന പരിസരത്തു ക്രമസമാധാനം ഉറപ്പാക്കാൻ പൊലീസിനു ഹൈക്കോടതിയുടെ നിർദേശം. പൊലീസ് സംരക്ഷണം ആവശ്യപ്പെട്ട് ഇരുവിഭാഗവും നൽകിയ ഹർജികളിലാണു കോടതിയുടെ ഉത്തരവ്.
എന്തു പ്രകോപനമുണ്ടായാലും നിയമം കയ്യിലെടുക്കാൻ ആരെയും അനുവദിക്കരുതെന്നും ക്രമസമാധാന പ്രശ്നം ഉണ്ടാക്കുന്നവർക്കെതിരെ കേസെടുക്കണമെന്നും ജസ്റ്റിസ് ദേവൻ രാമചന്ദ്രൻ പൊലീസിനോടു നിർദേശിച്ചു.
ആസ്ഥാന മന്ദിരത്തിന്റെ അധികാര തർക്കത്തിൽ ഇടപെടുന്നില്ലെന്നും നിയന്ത്രണം സംബന്ധിച്ച അന്തിമതീരുമാനം സുപ്രീം കോടതിയുടേത് ആയിരിക്കുമെന്നും ഹൈക്കോടതി വ്യക്തമാക്കി. കേസ് ഇപ്പോൾ സുപ്രീം കോടതിയുടെ പരിഗണനയിലാണ്.
