വിശാഖപട്ടണം: വാഹനാപകടത്തില്‍ ഗുരുതര പരിക്കേറ്റ റിഷഭ് പന്ത് ക്രിക്കറ്റ് ലോകത്തേയ്ക്ക് തിരിച്ചുവന്നിരിക്കുകയാണ്. പഴയ ബാറ്റിംഗ് വിസ്‌ഫോടനത്തില്‍ നിന്ന് പന്തിന് യാതൊരു മാറ്റവുമില്ല. കൊല്‍ക്കത്ത നൈറ്റ് റൈഡേഴ്‌സിനെതിരെ പരാജയപ്പെട്ടപ്പോഴും പന്തിന്റെ പ്രകടനം വേറിട്ടു നിന്നു. പിന്നാലെ കൊല്‍ക്കത്ത ടീം ഉടമയും ബോളിവുഡ് ഹീറോയുമായ ഷാരൂഖ് ഖാന്‍ നേരിട്ടെത്തി റിഷഭ് പന്തിനെയും സംഘത്തെയും അഭിനന്ദിച്ചു.
106 റണ്‍സിന്റെ കനത്ത തോല്‍വിയാണ് ഡല്‍ഹി വഴങ്ങിയത്. എങ്കിലും ഡല്‍ഹിക്ക് ആശ്വസിക്കാവുന്ന പ്രകടനം സൂപ്പര്‍ താരം റിഷഭ് പന്തിന്റെ ഭാഗത്ത് നിന്നുണ്ടായി. 25 പന്തില്‍ നാല് ഫോറും അഞ്ച് സിക്‌സും സഹിതം പന്ത് 55 റണ്‍സെടുത്തു.
മത്സരത്തില്‍ റിഷഭ് പന്തിന്റെ ബാറ്റിംഗ് പ്രകടനത്തിനിടയിലും ഷാരൂഖ് ഖാന്‍ അഭിനന്ദനവുമായി എത്തിയിരുന്നു. വെങ്കിടേഷ് അയ്യരിനെ കണ്ണടച്ച് സിക്‌സ് പറത്തിയ പന്തിന്റെ പ്രകടനമാണ് ബോളിവുഡ് ഹീറോയെ കോരിത്തരിപ്പിച്ചത്. സ്‌കൂപ്പ് മാതൃകയിലുള്ള പന്തിന്റെ ഷോട്ട് ഫൈന്‍ ലെഗില്‍ അതിര്‍ത്തിക്കപ്പുറം കടന്നു. കൊല്‍ക്കത്ത ടീം ഉടമ ഷാരൂഖ് ഖാന്‍ എണീറ്റ് നിന്നാണ് കൈയ്യടിച്ചത്.
Move over victory dances, Shah Rukh Khan's post-IPL hugs with everyone including Rishabh Pant are the new celebration trend! 🚀🏏 #ShahRukhKhan #DCvKKR #whatsappdown
— Satan (@Scentofawoman10) April 3, 2024
pic.twitter.com/rBqI7ICOsB
