അത്തിപ്പഴം ധാരാളം ആരോഗ്യ ഗുണങ്ങൾ അടങ്ങിയ ഒരു ഫ്രൂട്ടാണ്. പഴുത്ത അത്തിപ്പഴം പോലെ ഉണക്കിയ അത്തിപ്പഴവും ഒരുപോലെ പോഷകസമ്പന്നമാണ്. അതുപോലെ അത്തിപ്പഴം കുതിർത്ത് കഴിക്കുന്നത് നമ്മുടെ ശരീരത്തിന് നിരവധി ആരോഗ്യ ഗുണങ്ങൾ നൽകുന്നുണ്ട്.
- ഫൈബർ അടങ്ങിയ അത്തിപ്പഴം കുതിർത്ത് കഴിക്കുന്നത് ദഹനക്കേടിനെ തടയാനും മലബന്ധം ഒഴിവാക്കാനും സഹായിക്കും. ഫൈബർ നല്ല അളവിലുള്ളതിനാൽ കുടലിന്റെ ആരോഗ്യത്തിന് വളരെ നല്ലതാണ്.
Also Read: എണ്ണമയമുള്ള ചർമ്മമാണോ? എങ്കിൽ ഇതൊന്ന് പരീക്ഷിക്കം
- ചർമ്മത്തിന്റെ ആരോഗ്യത്തിനും കരളിന്റെ ആരോഗ്യത്തിനും അത്തിപ്പഴം പതിവായി കുതിർത്ത് കഴിക്കുന്നത് നല്ലതാണ്. ഒമേഗ 6 ഫാറ്റി ആസിഡ്, ഫൈബർ, കാത്സ്യം, മഗ്നീഷ്യം, കോപ്പർ, പൊട്ടാസ്യം, വിറ്റാമിൻ കെ, ആൻറി ഓക്സിഡൻറുകൾ തുടങ്ങിയവ അത്തിപ്പഴത്തിൽ അടങ്ങിയിരിക്കുന്നു.
- അത്തിപ്പഴത്തിൽ ധാരാളം കാത്സ്യം അടങ്ങിയിട്ടുണ്ട്. അത് എല്ലുകളുടെ ആരോഗ്യത്തിന് ഏറെ ഗുണം ചെയ്യും. ഗ്ലൈസമിക് സൂചിക കുറവും ഫൈബർ അടങ്ങിയതുമായ അത്തിപ്പഴം കുതിർത്തത് ഡയറ്റിൽ ഉൾപ്പെടുത്തുന്നത് രക്തത്തിലെ പഞ്ചസാരയുടെ അളവിനെ നിയന്ത്രിക്കാനും സഹായിക്കും.
- നാരുകളാൽ സമ്പന്നമായ അത്തിപ്പഴം കുതിർത്ത് കഴിക്കുന്നത് വിശപ്പ് കുറയ്ക്കാനും വണ്ണം കുറയ്ക്കാനും സഹായിക്കും. വിറ്റാമിൻ സിയും മറ്റ് ആൻറി ഓക്സിഡൻറുകളും അടങ്ങിയ അത്തിപ്പഴം രോഗ പ്രതിരോധശേഷി കൂട്ടാനും സഹായിക്കും.
