കാലിക്കറ്റ് പരീക്ഷ
തേഞ്ഞിപ്പലം: ബി.എഡ് സ്പെഷൽ എജുക്കേഷൻ-ഇന്റലക്ച്വൽ ഡിസബിലിറ്റി (2022 പ്രവേശനം മുതൽ) ഒന്നാം സെമസ്റ്റർ, ഹിയറിങ് ഇംപയർമെൻറ് നവംബർ 2024 റഗുലർ/സപ്ലിമെന്ററി പരീക്ഷകൾ ഡിസംബർ നാലിന് തുടങ്ങും.
പരീക്ഷഫലം
2023 പ്രവേശനം നേടിയ ഒന്നാം വർഷ ബാച്ചിലർ ഓഫ് ഹോട്ടൽ മാനേജ്‌മെന്റ് ആൻഡ് കാറ്ററിങ് ടെക്‌നോളജി ഏപ്രിൽ 2024 റഗുലർ, (2021 പ്രവേശനം) ബാച്ചിലർ ഓഫ് ഹോട്ടൽ മാനേജ്‌മെന്റ് ഏപ്രിൽ 2024 സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് നവംബർ 12വരെ അപേക്ഷിക്കാം.
വാക് ഇൻ ഇന്റർവ്യൂ
മണിക്കൂർ വേതനാടിസ്ഥാനത്തിൽ ഇംഗ്ലീഷ് പഠനവകുപ്പിൽ അസിസ്റ്റന്റ് പ്രഫസർ ഒഴിവിലേക്ക് നവംബർ നാലിന് രാവിലെ 10.30 ന് വാക് ഇൻ ഇന്റർവ്യൂ നടത്തും. യോഗ്യതയുള്ളവർ അസ്സൽ സർട്ടിഫിക്കറ്റുകൾ സഹിതം പഠനവകുപ്പ് കാര്യാലയത്തിൽ ഹാജരാകണം. വിശദ വിജ്ഞാപനം സർവകലാശാല വെബ്സൈറ്റിൽ.
Also Read : പിഎം ഇന്റേൺഷിപിന് കേരളത്തിൽ 3000 അവസരങ്ങൾ; അപേക്ഷ നവംബർ ആദ്യവാരം വരെ
ഓഡിറ്റ് കോഴ്സ്
2021, 2022 വർഷത്തിൽ പ്രവേശനം നേടിയ സെന്റർ ഫോർ ഡിസ്റ്റൻസ് ആൻഡ് ഓൺലൈൻ എജുക്കേഷന് കീഴിലുള്ള മൂന്നാം സെമസ്റ്റർ നവംബർ 2024 ഓഡിറ്റ് കോഴ്സ് സപ്ലിമെന്ററി പരീക്ഷക്ക് രജിസ്‌റ്റർ ചെയ്ത എം.എ, എം.കോം, എം.എസ് സി. വിദ്യാർഥികൾ തയാറാക്കേണ്ട ബുക്ക് റിവ്യൂ/അസൈൻമെന്റ്/പ്രോജക്ട് റിപ്പോർട്ട്/ട്രാൻസലേഷൻ തുടങ്ങിയവ സർവകലാശാല സെന്റർ ഫോർ ഡിസ്റ്റൻസ് ആൻഡ് ഓൺലൈൻ എജുക്കേഷൻ വിഭാഗത്തിൽ നേരിട്ടോ ദി ഡയറക്ടർ, കാലിക്കറ്റ് സർവകലാശാല സെന്റർ ഫോർ ഡിസ്റ്റൻസ് ആൻഡ് ഓൺലൈൻ എജുക്കേഷൻ വിഭാഗം, കാലിക്കറ്റ് യൂനിവേഴ്സിറ്റി പി.ഒ, പിൻ – 673635 എന്ന വിലാസത്തിലോ നവംബർ 30നുമുമ്പ് സമർപ്പിക്കണം. ഫോൺ: 0494 2400288, 2407356.
ആരോഗ്യം
പരീക്ഷ അപേക്ഷ
തൃശൂർ: അഞ്ചാം സെമസ്റ്റർ ബി.ഫാം സപ്ലിമെന്ററി (2017 സ്‌കീം) നവംബർ 11ന് ആരംഭിക്കുന്ന പരീക്ഷക്ക് നവംബർ രണ്ട് വരെ ഓൺലൈനായി അപേക്ഷിക്കാം. കൂടുതൽ വിവരങ്ങൾ www.kuhs.ac.in വെബ്സൈറ്റിൽ ലഭ്യമാണ്.
Also Read : കണ്ണൂർ സർവകലാശാലയിൽ 32 ഒഴിവുകൾ
രണ്ടാം സെമസ്റ്റർ എം.എസ്.സി ഓഡിയോളജി സ്പെഷൽ സപ്ലിമെന്ററി നവംബർ 21ന് ആരംഭിക്കുന്ന (2019 സ്‌കീം), രണ്ടാം സെമസ്റ്റർ എം.എസ്.സി സ്‌പീച്ച് ലാംഗ്വേജ് പാത്തോളജി സ്പെഷൽ സപ്ലിമെന്ററി (2019 സ്‌കീം) പരീക്ഷകൾക്ക് നവംബർ ഏഴ് വരെ ഓൺലൈനായി അപേക്ഷിക്കാം.
മൂന്നാം സെമസ്റ്റർ എം.എസ്.സി ഓഡിയോളജി സ്പെഷൽ സപ്ലിമെന്ററി നവംബർ 22ന് ആരംഭിക്കുന്ന (2019 സ്‌കീം) പരീക്ഷക്ക് നവംബർ ഏഴ് വരെ ഓൺലൈനായി അപേക്ഷിക്കാവുന്നതാണ്.
