പമ്പ: പമ്പയിൽ നിന്ന് നിലയ്ക്കലേക്ക് പോവുകയായിരുന്ന കെ.എസ്‌.ആർ.ടി.സി ബസ് പൂർണമായും കത്തിനശിച്ചു. യാത്രക്കാർ ഇല്ലാതിരുന്നതിനാൽ വൻ അപകടം ഒഴിവായി. നിലയ്ക്കലിൽ നിന്നും ഭക്തരെ പമ്പയിലേക്ക് എത്തിക്കാൻ പുറപ്പെട്ട ബസ് ഇന്ന് പുലർച്ചെ അട്ടത്തോടിനു സമീപത്ത് നിന്ന് കത്തുകയായിരുന്നു.
ഷോർട് സർക്യൂട്ട് ആണ് തീപിടിക്കാൻ കാരണം എന്നാണ് പ്രാഥമിക നിഗമനം. മൂന്ന് യൂണിറ്റ് അഗ്നിശമന സേനയെത്തിയാണ് തീ അണച്ചത്. ഡ്രൈവറും കണ്ടക്ടറും പരുക്കേൽക്കാതെ രക്ഷപ്പെട്ടു.
