പരിശീലന ദൗത്യത്തിനിടെ കുവൈറ്റ് വ്യോമസേനയുടെ എഫ്-18 യുദ്ധവിമാനം തകർന്നുവീണ് പൈലറ്റ് മരിച്ചു. കുവൈറ്റ് പ്രതിരോധ മന്ത്രാലയത്തിൻ്റെ ഔദ്യോഗിക വക്താവ് സ്റ്റാഫ് ബ്രിഗേഡിയർ ഹമദ് അൽ സാഗറാണ് വിവരം അറിയിച്ചത്. രാജ്യത്തിന്‍റെ വടക്ക് ഭാഗത്ത് പരിശീലനത്തിലേര്‍പ്പെട്ട വിമാനമാണ് ബുധനാഴ്ച ഉച്ചയോടെ തകർന്നത്.
അപകടത്തിന്‍റെ കാരണം കണ്ടെത്താന്‍ അന്വേഷണം തുടങ്ങിയതായി കുവൈത്ത് ന്യൂസ് ഏജന്‍സി റിപ്പോര്‍ട്ട് ചെയ്തു.
