കാലിഫോര്‍ണിയ: അധോലോക നേതാവ് ലോറന്‍സ് ബിഷ്‌ണോയിയുടെ സഹോദരന്‍ അന്‍മോള്‍ ബിഷ്‌ണോയി അമേരിക്കയില്‍ പിടിയില്‍. കാലിഫോര്‍ണിയയില്‍ നിന്നാണ് അറസ്റ്റ് ചെയ്തത്. പതിനെട്ട് കുറ്റങ്ങളാണ് അന്‍മോല്‍ ബിഷ്‌ണോയ്‌ക്കെതിരെ ചുമത്തിയിരിക്കുന്നത്. അന്‍മോലിനെ ഇന്ത്യയിലെത്തിക്കാന്‍ മുംബൈ പൊലീസ് ശ്രമം തുടങ്ങി. എന്‍ഐഎ അന്‍മോലിനെ പിടിക്കാന്‍ സഹായിക്കുന്നവര്‍ക്ക് 10 ലക്ഷം പ്രഖ്യാപിച്ചിരുന്നു.
ലോറന്‍സ് ബിഷ്‌ണോയി ഗ്യാങിന്റെ പ്രവര്‍ത്തനം നിയന്ത്രിച്ചിരുന്നത് അന്‍മോല്‍ ബിഷ്‌ണോയ് ആയിരുന്നു. 2022-ല്‍ പഞ്ചാബി ഗായകന്‍ സിദ്ധു മൊസ്സെവാലയെ കൊലപ്പെടുത്തിയ കേസില്‍ പ്രതിയാണ് അന്‍മോല്‍ ബിഷ്‌ണോയ്. ഏപ്രില്‍ 14ന് സല്‍മാന്‍ ഖാന്റെ വസതിക്ക് പുറത്ത് നടന്ന വെടിവയ്പ്പുമായി ബന്ധപ്പെട്ട് മുംബൈ പൊലീസ് അന്‍മോലിനെതിരെ ലുക്കൗട്ട് സര്‍ക്കുലര്‍ പുറപ്പെടുവിച്ചിരുന്നു.
Also Read:ദീർഘദൂര മിസൈൽ യുക്രെയിന്‍ ഉപയോഗിച്ചാൽ അമേരിക്കയെ ആക്രമിക്കും, ബൈഡൻ്റെ നീക്കത്തിൽ റഷ്യ!
ഒക്ടോബര്‍ 12ന് മഹാരാഷ്ട്ര മുന്‍മന്ത്രിയും ഉപമുഖ്യമന്ത്രി അജിത് പവാര്‍ നേതൃത്വം നല്‍കുന്ന എന്‍സിപിയുടെ നേതാവുമായ ബാബ സിദ്ദിഖികൊലപ്പെടുത്തിയ സംഭവത്തില്‍ അന്‍മോല്‍ ബിഷ്ണോയ്ക്കും ബന്ധമുള്ളതായാണ് മുംബൈ പൊലീസ് പറഞ്ഞന്നത്. കഴിഞ്ഞ വര്‍ഷമാണ് ഇയാള്‍ ഇന്ത്യയില്‍ നിന്നും വിദേശത്തേക്ക് കടന്നത്.
