കോഴിക്കോട്: ബസ് ജീവനക്കാരെ ഒരു സംഘം മര്‍ദിച്ചുവെന്നാരോപിച്ച് കോഴിക്കോട് – മാവൂര്‍ റൂട്ടില്‍ മിന്നല്‍ പണിമുടക്കുമായി സ്വകാര്യ ബസുകൾ. എടവണ്ണപ്പാറ, പെരുമണ്ണ, കുറ്റിക്കടവ്, മാവൂര്‍, ചെറുവാടി ഭാഗങ്ങളിലേക്കുള്ള ബസുകളാണ് പണിമുടക്കുന്നത്.
പാറമ്മലിൽ വെച്ച് കോഴിക്കോട് – അരീക്കോട് റൂട്ടിലോടുന്ന സ്വകാര്യ ബസിലെ ജീവനക്കാരെ ഒരുസംഘം മർദിച്ചുവെന്ന പരാതിയിൽ 10 പേർക്കെതിരെ മാവൂര്‍ പൊലീസ് കേസെടുത്തിട്ടുണ്ട്. അതേസമയം സംഭവവുമായി ബന്ധപ്പെട്ട് ബസ് ജീവനക്കാരുമായി പോലീസ് ഇന്ന് ചർച്ച നടത്തും.
