ലോകായുക്ത ജസ്റ്റിസ് സിറിയക് ജോസഫ് നാളെ വിരമിക്കും. 2087 കേസുകളാണ് സിറിയക് ജോസഫ് ജസ്റ്റിസ് ആയിരുന്ന കാലത്ത് കേരള ലോകായുക്തയില്‍ ഫയല്‍ ചെയ്തിട്ടുള്ളത്. 3021 കേസുകള്‍ ഇക്കാലയളവില്‍ തീര്‍പ്പാക്കി. 28/03/2019 ന് മുന്‍പ് ഫയല്‍ ചെയ്ത കേസുകളും തീര്‍പ്പാക്കിയവയില്‍ ഉള്‍പ്പെടും.
ലോകായുക്തയുടെ ഡിവിഷന്‍ ബെഞ്ച് ഇക്കാലയളവില്‍ തീര്‍പ്പാക്കിയത് 1344 കേസുകളാണ്. ഇവയില്‍ 1313 കേസുകളിലെ ഉത്തരവ് ജസ്റ്റീസ് സിറിയക് ജോസഫ് ആണ് തയ്യാറാക്കിയത്. 116 കേസുകളില്‍ സെക്ഷന്‍ 12 പ്രകാരമുള്ള റിപ്പോര്‍ട്ട് സര്‍ക്കാരിന് നല്‍കി. അതില്‍ 99 റിപ്പോര്‍ട്ടുകള്‍ തയ്യാറാക്കിയത് ജസ്റ്റീസ് സിറിയക് ജോസഫ് ആണ്. 693 കേസുകളാണ് നിലവില്‍ തീര്‍പ്പാക്കുവാനുള്ളത്.
