പാലക്കാട്: പാലക്കാട് തിരഞ്ഞെടുപ്പിൽ മത്സരം യു.ഡി.എഫും ബി.ജെ.പിയും തമ്മിലാണെന്ന് പ്രതിപക്ഷ നേതാവ് വി.ഡി സതീശൻ. എം.ബി. രാജേഷും അളിയനും ചേർന്ന് നടത്തിയ മൂന്നാമത്തെ നാടകമാണ് സ്പിരിറ്റ് ആരോപണമെന്നും അദ്ദേഹം കുറ്റപ്പെടുത്തി. പാലക്കാട് സ്ഥാനാർത്ഥി രാഹുൽ മാങ്കൂട്ടത്തിൽ പതിനായിരത്തിലേറെ വോട്ടിന്റെ ഭൂരിപക്ഷത്തിൽ വിജയിക്കുമെന്നും സതീശൻ പറഞ്ഞു.
ആദ്യം റെയ്ഡ് നാടകം, പിന്നെ ട്രോളി നാടകം ഇതിന് ശേഷം മൂന്നാമതായി എം.ബി. രാജേഷും അളിയനും കൊണ്ടുവന്ന മൂന്നാമത്തെ നാടകമാണ് സ്പിരിറ്റ്. മന്ത്രി രാജേഷിന്റെ അനുമതിയില്ലാതെ പാലക്കാട് ചിറ്റൂരിൽ ഒരു ലിറ്റർ സ്പിരിറ്റ് എവിടെയും പോകില്ലെന്നും വി.ഡി. സതീശൻ പറഞ്ഞു. ചേലക്കരയിൽ അയ്യായിരത്തോളം വോട്ടിന് യു.ഡി.എഫ് ജയിക്കുമെന്നും സതീശൻ കൂട്ടിച്ചേർത്തു.
