ഇന്ത്യന്‍ ക്രിക്കറ്റ് ടീം മുന്‍ ക്യാപ്റ്റനായിരുന്ന മഹേന്ദ്ര സിങ് ധോനിയുടെ വാഹനകമ്പം രാജ്യത്തെ ക്രിക്കറ്റ് ആരാധകര്‍ക്കും വാഹനപ്രേമികള്‍ക്കും ഒരുപോലെ അറിയാം.മോട്ടോര്‍സൈക്കിളുകളുടെ വലിയ നിരയാണ് അദ്ദേഹത്തിന്റെ ഗ്യാരേജിലുള്ളത്. ഇപ്പോഴിതാ, ഒരു ആരാധകന്റെ റോയല്‍ എന്‍ഫീല്‍ഡ് ക്ലാസിക് 350 ഇഷ്ട്ടമായി ഓടിച്ചുനോക്കുന്നതിന്റെ വീഡിയോയാണ് സോഷ്യൽ മീഡിയയിൽ വൈറലാകുന്നത്.
ധോനിയുടെ ആരാധകൻ അദ്ദേഹത്തിന്റെ ഒപ്പ് തന്റെ ബൈക്കില്‍ ലഭിക്കുന്നതിനായി എത്തിയതായിരുന്നു. അയാളുടെ ആവശ്യം അറിഞ്ഞതോടെ സ്വന്തം ജാക്കറ്റ് കൊണ്ട് പെട്രോള്‍ ടാങ്ക് തുടച്ചശേഷം മാര്‍ക്കര്‍ ഉപയോഗിച്ച് ടാങ്കില്‍ ഒപ്പിടുകയായിരുന്നു. ഇതെല്ലാം കൗതുകത്തോടെ വീക്ഷിച്ച് വാഹന ഉടമ ധോനിക്ക് അരികില്‍ നില്‍ക്കുന്നതും വീഡിയോയില്‍ കാണാം. വാഹനത്തിന്റെ വിശേഷങ്ങളെല്ലാം അദ്ദേഹം ഉടമയോട് ചോദിച്ചറിയുന്നുണ്ട്.
ALSO READ: ഇലക്ട്രിക് ഓട്ടോകളുടെ വർധനവ്: സബ്‌സിഡിക്ക് വന്‍ വെയ്റ്റിങ് ലിസ്റ്റ്
ബൈക്കിന്റെ ഉടമയുടെ കൂടെ വാഹനം സ്റ്റാര്‍ട്ട് ചെയ്ത് നോക്കുകയും, ശേഷം ആരാധകനെ കൂട്ടി വാഹനം ഓടിച്ചുപോകുന്നതുമാണ് വീഡിയോയിലുള്ളത്. ധോനിയുടെ ഈ പ്രവര്‍ത്തിയ പുകഴ്ത്തിയുള്ള വീഡിയോകളാണ് ഇപ്പോള്‍ സോഷ്യൽ മീഡിയയിൽ. ആരാധാകര്‍ക്കൊപ്പം എപ്പോഴും നിലകൊള്ളുന്നയാളാണ് ധോനിയെന്നും അദ്ദേഹം എല്ലാവര്‍ക്കും ഒരു പ്രചോദനമാണെന്നും ആരാധകർ പറയുന്നു.
