സുരേഷ് ഗോപിക്ക് ആശംസകളുമായി മമ്മൂട്ടിയും മോഹൻലാലും. അഭിനന്ദനങ്ങൾ പ്രിയ സുരേഷ് എന്നായിരുന്നു മോഹൻലാൽ പ്രതികരിച്ചത്. സുരേഷിന്റെ വിജയത്തിൽ ഹൃദയത്തിൽ നിന്നുള്ള അഭിനന്ദങ്ങളെന്നാണ് മമ്മൂട്ടി കുറിച്ചത്. നിർമാതാക്കളായ ജി.സുരേഷ് കുമാർ, കല്ലിയൂർ ശശി, നടൻ കൃഷ്ണകുമാർ തുടങ്ങിയവർ സുരേഷ് ഗോപിയുടെ വീട്ടിൽ നേരിട്ടെത്തി ആശംസകൾ നേർന്നു.
വിജയത്തിനു ഗുരുവായൂരപ്പൻ മുതൽ ലൂർദ് മാതാവിനു വരെ നന്ദി പറഞ്ഞാണു സുരേഷ് ഗോപി പ്രതികരിച്ചു തുടങ്ങിയത്. വലിയ അധ്വാനത്തിന്റെ കൂലിയാണു ലഭിച്ചത്. ഒഴുക്കിനെതിരെയാണു നീന്തിക്കയറിയത്. വ്യക്തിപരമായി ഒരുപാട് ദ്രോഹങ്ങൾ നേരിടേണ്ടി വന്നെങ്കിലും അതിൽ നിന്നു കരകയറാൻ കഴിഞ്ഞു. തൃശൂരിലെ ജനങ്ങൾ സത്യം തിരിച്ചറിഞ്ഞു.
