മലയാള സിനിമാ പ്രേമികള്‍ കാത്തിരുന്ന മമ്മൂട്ടി ചിത്രം ടര്‍ബോയുടെ ട്രെയ്‌ലര്‍ പുറത്തിറങ്ങി. ദുബായ് സിലിക്കോണ്‍ സെന്‍ട്രല്‍ മാളില്‍ വെച്ച് നടന്ന ഗ്ലോബല്‍ ട്രെയ്‌ലര്‍ ലോഞ്ചില്‍ മമ്മൂട്ടി ട്രെയ്‌ലര്‍ അവതരിപ്പിച്ചു. ത്രില്ലറും ഫൈറ്റും എന്റര്‍ടെയന്‍മെന്റും തമാശയും പ്രണയവുമെല്ലാം നിറഞ്ഞ് ഒരു പാക്ഡ് ചിത്രമാണ് ടര്‍ബോ ഒരുക്കിയിരിക്കുന്നത് എന്നാണ് ട്രെയ്‌ലര്‍ നല്‍കുന്ന സൂചന.
മമ്മൂട്ടിയുടെ ജോസേട്ടായിയോടൊപ്പം കട്ടക്ക് നില്‍ക്കുന്ന രാജ് ബി ഷെട്ടിയുടെ വില്ലന്‍ വേഷവും ട്രെയ്‌ലറില്‍ ചിത്രത്തിന് മികച്ച പ്രതീക്ഷകള്‍ നല്‍കുന്നു. മെയ് 23 നാണ് ടര്‍ബോയുടെ ആഗോള റിലീസ്. എല്ലാവര്‍ക്കും ഇഷ്ടപ്പെടുന്ന ഒരു സിനിമയായിരിക്കും. ഹ്യൂമറുണ്ട് ആക്ഷനുണ്ട് ഇമോഷനുണ്ട്. എല്ലാം പരമാവധി പറ്റുന്നപോലെ ഒരുക്കിയിട്ടുണ്ട് ബാക്കി നിങ്ങളുടെ കയ്യിലാണ് എന്നാണ് തിരക്കഥാകൃത്ത് മിഥുന്‍ മാനുവല്‍ തോമസ് ട്രെയ്‌ലര്‍ ലോഞ്ചില്‍ പറഞ്ഞു. മമ്മൂട്ടി കമ്പനിയുടെ ബാനറില്‍ മമ്മൂട്ടി തന്നെയാണ് ചിത്രം നിര്‍മ്മിക്കുന്നത്. ജോസ് എന്ന കഥാപാത്രത്തെയാണ് മമ്മൂട്ടി ചിത്രത്തില്‍ അവതരിപ്പിക്കുന്നത്.
