ഇന്ത്യയിലെ മാരുതിയുടെ ഏറ്റവും പുതിയ ലോഞ്ചായി സ്വിഫ്റ്റ് എത്തുന്നു . കഴിഞ്ഞ വര്‍ഷം മാരുതി ജപ്പാനില്‍ പുതിയ സ്വിഫ്റ്റ് പുറത്തിറക്കിയിരുന്നു . ഇപ്പോള്‍ ഇതാ അടുത്ത മാസം ഇന്ത്യയിലും അവതരിപ്പിക്കാനൊരുങ്ങുകയാണ് . 2024 മെയ് 9 നു വാഹനം പുറത്തിറക്കാന്‍ കഴിയുമെന്നാണ് റിപ്പോര്‍ട്ടുകള്‍ പറയുന്നത് . ജപ്പാനില്‍ ഇറക്കിയ മോഡലിന് സമാനമായിരിക്കും ഇന്ത്യന്‍ മോഡലും . എന്നിരുന്നാലും വ്യത്യസ്തമായ ഫ്രണ്ട് റിയര്‍ ബമ്പറുകള്‍ പോലുള്ള നിര്‍ദിഷ്ട്ട മാറ്റങ്ങള്‍ ഉണ്ടായിരിക്കും.
അതുകൂടാതെ പുതിയ സ്വിഫ്റ്റില്‍ എല്‍ ഇ ഡി ഹെഡ് ലാമ്പുകള്‍ ,ഫോഗ് ലാമ്പുകള്‍ ഡി ആര്‍ എല്‍ എന്നിവ ഉണ്ടാകുമെന്നാണ് പ്രതീക്ഷിക്കുന്നത് .അലോയ് വീല്‍ രൂപകല്‍പ്പനയും സമാനമായിരിക്കും എങ്കിലും ചില സൂക്ഷ്മമായ മാറ്റങ്ങളുണ്ടാകാന്‍ സാധ്യതയുണ്ട് . ആഗോളതലത്തില്‍ അരങ്ങേറിയ പുതിയ സെഡ് സീരീസ് 1. 2 ലിറ്റര്‍ 3 സിലിണ്ടര്‍ എഞ്ചിനുമായി പുതിയ സ്വിഫ്റ്റ് വരുമെന്ന് കരുതാം . നിലവിലെ കെ സീരീസ് എഞ്ചിനെ അപേക്ഷിച്ച് പുതിയ എഞ്ചിന് 8 ബി എച്ച് പി കരുത്തും 5 എന്‍ എം ടോര്‍ക്കും കുറവാണ്. റിപ്പോര്‍ട്ടുകള്‍ പ്രകാരം എന്‍ജിന്‍ എമിഷന്‍ ,കാര്യക്ഷമത ,പവര്‍ ഔട്ട്പുട്ട് എന്നിവ മെച്ചപ്പെടുത്തുന്നതിനായി ഇന്ത്യന്‍ മോഡലില്‍ മാറ്റങ്ങള്‍ വരുത്താം . അതുപോലെതന്നെ ഹൈബ്രിഡ് സജ്ജീകരണം മാരുതി ഇന്ത്യയിലേക് കൊണ്ടുവരുമെന്ന് പ്രതീക്ഷിക്കുന്നില്ല
