ലഖ്നൗ: വരാനിരിക്കുന്ന തിരഞ്ഞെടുപ്പിൽ കോൺഗ്രസിനും ബി.ജെ.പിക്കും വോട്ട് ചെയ്യരുതെന്ന് ദളിത് വിഭാഗത്തോട് അഭ്യർത്ഥിച്ച്‌ ബിഎസ്പി നേതാവ് മായാവതി. ദളിത് വിഭാഗത്തെ ഇരു പാർട്ടികളും അവഗണിക്കുകയാണ്. ജമ്മു കശ്മീരിൽ നടക്കാനിരിക്കുന്ന തിരഞ്ഞെടുപ്പിലും കോൺഗ്രസ് ജനങ്ങളെ കബളിപ്പിക്കാനും സ്വാധീനിക്കാനും ശ്രമിക്കും. ദളിത് വിഭാഗങ്ങൾ അവരുടെ വാക്കുകൾ വിശ്വസിക്കരുതെന്നും മായാവതി പറഞ്ഞു.
എക്സിൽ പങ്കുവെച്ച കുറിപ്പിലായിരുന്നു മായാവതിയുടെ പരാമർശം. ബിജെപിയും സമാന വാഗ്ധാനങ്ങൾ ആവർത്തിച്ചേക്കാം. ദളിത് വിരുദ്ധ മനോഭാവം പിന്തുടരുന്ന പാർട്ടികളുടെ ചരിത്രം മനസിൽ കുറിച്ച് വേണം ദളിത് വിഭാഗങ്ങൾ പ്രവർത്തിക്കാൻ. വോട്ടുകൾ പാഴാക്കരുതെന്നും മായാവതി കുറിച്ചു.
