ഫ്രഞ്ച് മുന്നേറ്റ താരം കിലിയൻ എംബാപ്പെ ഇനി സ്പാനിഷ് ലീഗ് വമ്പൻമാരായ റയൽ മാഡ്രിഡിൽ. ഔദ്യോഗിക പ്രഖ്യാപനം ക്ലബ് ഉടൻ നടത്തുമെന്ന് സ്പോ‍ർട്സ് മാധ്യമങ്ങൾ റിപ്പോർട്ട് ചെയ്തു. കഴിഞ്ഞ മാസം തന്നെ എംബാപ്പെ റയലിലേക്ക് ചേക്കേറുമെന്ന് ഏറെക്കുറെ ഉറപ്പായിരുന്നു. അടുത്ത ദിവസങ്ങളിൽ തന്നെ ക്ലബ് താരത്തെ അവതരിപ്പിക്കും.
2017ൽ 18ാം വയസിലാണ് എംബാപ്പെ പി.എസ്.ജിയിലെത്തുന്നത്. ക്ലബിനൊപ്പം ലീഗ് വൺ ഉൾപ്പെടെ അനവധി കിരീടങ്ങൾ നേടിയിട്ടുണ്ട്. പി.എസ്.ജിക്ക് വേണ്ടി ഏറ്റവും അധികം ഗോളുകൾ നേടിയതും എംബാപ്പെയാണ്.
2015ൽ മൊണാക്കോക്ക് ഒപ്പമാണ് എംബാപ്പെ തന്റെ സീനിയർ കരിയർ ആരംഭിക്കുന്നത്. മൊണാക്കോയ്ക്ക് വേണ്ടിയും ലീഗ് വൺ നേടിയ എംബാപ്പെ കഴിഞ്ഞ സീസണിൽ തന്നെ റയലിലേക്ക് പോകേണ്ടതായിരുന്നു. എന്നാൽ കൂടുതൽ പരിഗണനകൾ നൽകി മാനേജ്മെന്റ് താരത്തെ പിടിച്ചു നിർത്തുകയായിരുന്നു. ചാംപ്യൻസ് ലീഗ് നേടുന്നതിനായി മെസി നെയ്മർ എംബാപ്പെ മുന്നേറ്റത്തെ പി.എസ്.ജി പരിക്ഷിച്ചിരുന്നു. എന്നാൽ ശ്രമം വിഫലമായി.
എംബാപ്പെ ഇനി റയൽ താരം; ക്ലബ്ബുമായി കരാറിൽ ഒപ്പുവച്ചതായി റിപ്പോർട്ട്
