ബംഗളൂരു: മെഡിക്കൽ ബിരുദ പ്രവേശനം യു.ജി നീറ്റ് പ്രകാരം നേടിയ വിദ്യാർഥികൾ അതത് കോളജുകളിൽ ചൊവ്വാഴ്ച ഹാജരാകണമെന്ന് കർണാടക പരീക്ഷാ അതോറിറ്റി എക്സിക്യൂട്ടിവ് ഡയറക്ടർ അറിയിച്ചു.
വിദ്യാർഥികൾ കെ.ഇ.എ ഓഫിസ് സന്ദർശിക്കണമെന്നായിരുന്നു മുമ്പ് അറിയിച്ചിരുന്നത്. ഈ തീരുമാനത്തിലാണ് മാറ്റംവരുത്തിയത്. ചൊവ്വാഴ്ച വിദ്യാർഥികൾ ഒറിജിനൽ സർട്ടിഫിക്കറ്റുകളുമായി കെ.ഇ.എ ഓഫിസിൽ വരേണ്ടതില്ലെന്നും അനുവദിക്കപ്പെട്ട കോളജുകളിലാണ് സർട്ടിഫിക്കറ്റുകളുമായി ഹാജരാകേണ്ടതെന്നും അദ്ദേഹം വ്യക്തമാക്കി.
