ഈ വര്‍ഷം രണ്ടാം പകുതിയില്‍ ചൈനീസ് – ബ്രിട്ടീഷ് വാഹന ബ്രാന്‍ഡായ എംജി മോട്ടോര്‍ തങ്ങളുടെ മൂന്നാമത്തെ ഇലക്ട്രിക് ഓഫര്‍ ഇന്ത്യയില്‍ കൊണ്ടുവരാന്‍ ഒരുങ്ങുകയാണ്. എംജി ക്ലൗഡ് ഇവി എന്ന് വിളിക്കപ്പെടുന്ന ഈ മോഡല്‍ 2024 സെപ്തംബര്‍ പകുതിയോടെ അരങ്ങേറ്റം കുറിക്കുമെന്നും തുടര്‍ന്ന് വിപണിയില്‍ അവതരിപ്പിക്കുമെന്നും റിപ്പോര്‍ട്ടുകളുണ്ട്. കമ്പനിയുടെ ഉല്‍പ്പന്ന ശ്രേണിയില്‍, 6.99 ലക്ഷം രൂപയ്ക്കും 9.53 ലക്ഷം രൂപയ്ക്കും 18.98 ലക്ഷം രൂപയ്ക്കും 25.44 ലക്ഷം രൂപയ്ക്കും ഇടയില്‍ വിലയുള്ള എംജി കോമറ്റിനും എംജി ഇസെഡ്എസ് ഇവിയ്ക്കും ഇടയിലായിരിക്കും ക്ലൗഡ് ഇവിയുടെ സ്ഥാനം. ഇതിന്റെ വില 20 ലക്ഷം രൂപയില്‍ താഴെയായിരിക്കും. വാഹനത്തിന്റെ പരീക്ഷണം ഇന്ത്യയില്‍ നടക്കുകയാണ്. എംജി ക്ലൗഡ് ഇവി യഥാക്രമം ഇന്തോനേഷ്യയിലും ചൈനയിലും വുലിംഗ്, ബോജുന്‍ ബ്രാന്‍ഡ് നാമങ്ങള്‍ക്ക് കീഴിലാണ് വില്‍ക്കുന്നത്. മോഡലിന് ഏകദേശം 4.3 മീറ്റര്‍ നീളവും 2,700 എംഎം നീളമുള്ള വീല്‍ബേസും ഉണ്ടാകും. മുന്നിലും പിന്നിലും പൂര്‍ണ്ണ വീതിയുള്ള എല്‍ഇഡി ലൈറ്റ് ബാറുകള്‍, ഫ്രണ്ട് ബമ്പറില്‍ ഘടിപ്പിച്ച ഹെഡ്ലാമ്പുകള്‍, ഫ്‌ലഷ് ഡോര്‍ ഹാന്‍ഡിലുകള്‍, ഷോര്‍ട്ട് ഓവര്‍ഹാംഗുകള്‍ ഫ്‌ലഷ് ഡോര്‍ ഹാന്‍ഡിലുകള്‍, ഷോര്‍ട്ട് ഓവര്‍ഹാംഗുകള്‍, ഗ്ലാസ് ഹൗസിന് ചുറ്റും പൊതിഞ്ഞ് എന്നിവ ഉള്‍ക്കൊള്ളുന്ന മിനിമലിസ്റ്റിക് ഡിസൈന്‍ ഭാഷയോടുകൂടിയ എംപിവി ലുക്ക് ലഭിക്കുന്നു.
ക്ലൗഡ് ഇവിക്ക് 5-സീറ്റ് ലേഔട്ട് ഉണ്ടായിരിക്കും. മിനിമലിസ്റ്റിക് ഡിസൈന്‍ സമീപനം ക്യാബിനിലും തുടരും. വലിയ കേന്ദ്രീകൃത ടച്ച്സ്‌ക്രീനും ഇന്‍സ്ട്രുമെന്റ് ക്ലസ്റ്ററിനായി ഡിജിറ്റല്‍ ഡിസ്പ്ലേയും ഉള്ള ഫ്‌ലോട്ടിംഗ് സ്‌ക്രീനുകളാണ് പ്രധാന ആകര്‍ഷണം. പൂര്‍ണ്ണമായി ചാഞ്ഞിരിക്കുന്ന ഫ്രണ്ട് സീറ്റ് ബാക്ക്റെസ്റ്റ് ഉണ്ടായിരിക്കും. 135-ഡിഗ്രി പിന്‍സീറ്റ് റിക്ലൈന്‍ ഉള്ള സോഫ മോഡ് ആയിരിക്കും ഇത്. ഇന്തോനേഷ്യയില്‍, ക്ലൗഡ് ഇവി 360 ഡിഗ്രി ക്യാമറയും എഡിഎഎസ് സാങ്കേതികവിദ്യയും നല്‍കുന്നു. ആഗോള വിപണികളില്‍ 37.9kWh, 50.6kWh എന്നിങ്ങനെ രണ്ട് ബാറ്ററി പായ്ക്കുകളില്‍ എംജി ക്ലൗഡ് ഇവി ലഭ്യമാണ്. യഥാക്രമം 360km, 460km എന്നീ ഓഫര്‍ റേഞ്ച്. പവര്‍ട്രെയിന്‍ സജ്ജീകരണത്തില്‍ പെര്‍മനന്റ് മാഗ്‌നറ്റ് സിന്‍ക്രണസ് മോട്ടോറും ഉള്‍പ്പെടുന്നു. ഇത് ഫ്രണ്ട് ആക്‌സിലില്‍ ഘടിപ്പിച്ചിരിക്കുന്നു. 134 എച്ച്ബിപി മൂല്യമുള്ള പവര്‍ ഉത്പാദിപ്പിക്കുന്നു. അതേസമയം നിലവില്‍ ഏത് പതിപ്പാണ് ഇന്ത്യയില്‍ എത്തിക്കുകയെന്ന കാര്യത്തില്‍ നിലവില്‍ വ്യക്തതയില്ല.
