പുതിനയ്ക്ക് വളരെ ശക്തമായ ആന്റിഓക്‌സിഡന്റ് ഗുണങ്ങളുണ്ട്. രക്തത്തിലെ പഞ്ചസാരയുടെ അളവ് നിയന്ത്രിക്കാനും ചർമ്മരോഗങ്ങൾ കുറയ്ക്കാനും പുതിന അത്യുത്തമമാണ്. വായിൽ നിന്ന് അസുഖകരമായ ഗന്ധം ഒഴിവാക്കാനും ഇവ ഉപയോഗിക്കാം. നാരങ്ങാ വെള്ളത്തിനൊപ്പമോ സാധാരണ വെളളത്തിലോ പുതിന നുള്ളിയിട്ട് ഉപയോഗിക്കാം. പുതിനയില ലോകമെമ്പാടും സാധാരണയായി ഉപയോഗിക്കുന്ന ഒരു പാചക ചേരുവയാണ്. ചട്ണി ഉണ്ടാക്കുന്നതു മുതൽ രുചികരമായ ജ്യൂസിൽ വരെ ചേർക്കാവുന്ന വളരെ വൈവിധ്യപൂർണ്ണമായ ഇലയാണ് പുതിന. ഇത് വിഭവങ്ങൾക്ക് നല്ല പുതുമയാർന്ന വാസനയും രുചിയും പകരുന്നു എന്ന് മാത്രമല്ല, ധാരാളം ഔഷധഗുണങ്ങളുള്ളതിനാൽ മറ്റ് പല വഴികളിലൂടെയും ഇത് പ്രയോജനം ചെയ്യും.
പുതിനയില വായിൽ ബാക്ടീരിയകളുടെ വളർച്ചയെ തടയുകയും പല്ലിലെ പ്ലാക്ക് നിക്ഷേപം ശുദ്ധീകരിക്കുകയും ചെയ്യുന്നു. മാത്രമല്ല, ഇത് ബാക്ടീരിയകളെ നശിപ്പിക്കുകയും വായ്‌നാറ്റം തടയുകയും ചെയ്യും. അതുവഴി വായും പല്ലും സ്വാഭാവികമായും ആരോഗ്യകരമായി നിലനിർത്തുന്നു. പുതിന വെള്ളം കുടിക്കുന്നത് ദഹനസംബന്ധമായ അസ്വസ്ഥതകൾ കുറയ്ക്കാൻ സഹായിക്കുന്നു. ആൻറി-ഇൻഫ്ലമേറ്ററി ഗുണങ്ങൾ അടങ്ങിയ പുതിന അലർജികളും ആസ്ത്മ പോലുള്ള ശ്വാസകോശ സംബന്ധമായ പ്രശ്നങ്ങളും അകറ്റുന്നതിന് ഗുണം ചെയ്യും. പുതിനയിലയിൽ ഉയർന്ന അളവിൽ സാലിസിലിക് ആസിഡ് അടങ്ങിയിട്ടുണ്ട്. ഇത് മുഖക്കുരുവിനെയും പാടുകളെയും ഫലപ്രദമായി അകറ്റാൻ സഹായിക്കുന്നു.
പുതിനയിലയിൽ ഫോസ്ഫറസ്, കാൽസ്യം, വിറ്റാമിനുകളായ സി, ഡി, ഇ, എ എന്നിവ അടങ്ങിയിട്ടുണ്ട്, ഇത് ശരീരത്തിന്റെ രോഗപ്രതിരോധ ശേഷി മെച്ചപ്പെടുത്തുന്നു. ഇത് കോശങ്ങളെ ഏത് തരത്തിലുള്ള നാശത്തിൽ നിന്നും സംരക്ഷിക്കുന്നു, അതുവഴി ഏതെങ്കിലും വിട്ടുമാറാത്ത രോഗത്തിന്റെ സാധ്യത കുറയ്ക്കുന്നു. വീക്കം തടയുന്ന സവിശേഷതയും ആൻറി ബാക്ടീരിയൽ ഗുണങ്ങളും കാരണം ഇത് ചർമ്മ പ്രശ്നങ്ങൾ ശമിപ്പിക്കുകയും ചർമ്മത്തെ ശാന്തമാക്കുകയും ചെയ്യുന്നു. ഇത് മുഖക്കുരുവിനെ ചികിത്സിക്കാനും ഗുണം ചെയ്യും. പുതിനയിലയിൽ ഉയർന്ന അളവിൽ സാലിസിലിക് ആസിഡ് അടങ്ങിയിട്ടുണ്ട്, ഇത് മുഖക്കുരുവിനെയും പാടുകളെയും ഫലപ്രദമായി നേരിടാൻ ഉത്തമമാണെന് അറിയപ്പെടുന്നു.
പുതിനയുടെ ഉപയോഗം ആസ്ത്മ രോഗികൾക്ക് ആശ്വാസം നൽകുന്നതുമായി ബന്ധപ്പെട്ടിരിക്കുന്നു.പുതിനയുടെ ശക്തവും ഉന്മേഷദായകവുമായ സുഗന്ധം തലവേദന കുറയ്ക്കാൻ സഹായിക്കും. പുതിനയില ചവയ്ക്കുന്നത് അണുനാശിനി ഗുണങ്ങൾ ഉള്ളതിനാൽ മോണരോഗങ്ങളും ദന്തപ്രശ്നങ്ങളും അകറ്റുന്നതിന് സഹായിക്കുന്നു. ഇത് വായയ്ക്കുള്ളിലെ ബാക്ടീരിയകളുടെ വളർച്ചയെ തടയുകയും പല്ലിലെ ഫലകങ്ങൾ ശുദ്ധീകരിക്കുകയും ചെയ്യുന്നു. വിപണിയിലെ പല ടൂത്ത് പേസ്റ്റുകളും പുതിന ചേർക്കുന്നതായി കണ്ട് വരുന്നു.
കാലാവസ്ഥയിൽ ഉണ്ടാകുന്ന മാറ്റങ്ങൾ പല ആളുകളെയും രോഗികളാക്കുന്നു. കൂടെക്കൂടെ കടുത്ത ജലദോഷവുമായി മല്ലിടുന്ന ഒരാളാണെങ്കിൽ, പുതിന പരീക്ഷിക്കുക. മൂക്ക്, തൊണ്ട, ശ്വാസകോശം എന്നിവയിൽ നിന്നുള്ള കഫം നീക്കാൻ പുതിന സഹായിക്കുന്നു. അതിനാൽ, ജലദോഷത്തിനും ശ്വസന സംബന്ധമായ പ്രശ്‌നങ്ങൾക്കും ചികിത്സയേകുവാൻ ഇത് സഹായിക്കുന്നു.
