മലയാള സിനിമകൾ ഇതര ഭാഷക്കാർക്ക് ഇടയിൽ കൂടുതൽ ശ്രദ്ധനേടാൻ തുടങ്ങിയത് പോസ്റ്റ് പാൻഡമിക്കിന് ശേഷമാണ്. കണ്ടന്റിലും മേക്കിങ്ങിലും പ്രമേയത്തിലും ഒരുപോലെ വിട്ടുവീഴ്ചയില്ലാതെ മലയാള സിനിമ മുന്നേറുന്ന കാഴ്ചയായിരുന്നു അത്. മലയാളത്തിന്റെ മെഗാ താരങ്ങളായ മമ്മൂട്ടി, മോഹൻലാൽ തുടങ്ങി മുൻനിര താരങ്ങൾക്ക് ഒപ്പം യുവതാര സിനിമകളും പ്രേക്ഷകർ ഒന്നടങ്കം ഏറ്റെടുത്തു. എന്നാൽ ഈ അവസരത്തിൽ നടൻ മോഹൻലാലിന്റെ സിനിമകളുടെ ബോക്സ് ഓഫീസ് കളക്ഷൻ വിവരങ്ങൾ പുറത്തുവരികയാണ്. ലോകം മൊത്തം തകർന്ന കൊവിഡിന് ശേഷം ഇറങ്ങിയ സിനിമകളുടെ കളക്ഷനാണിത്.
ആറ് സിനിമകളുടെ കണക്കാണ് ഇതുവരെ പുറത്തുവന്നിരിക്കുന്നത്. സൗത്ത് ഇന്ത്യൻ ബോക്സ് ഓഫീസിന്റെ റിപ്പോർട്ട് പ്രകാരം ഈ ആറ് ചിത്രങ്ങളുടെ ഹിറ്റ് റേഷ്യോ 17% ആണ്. അതിൽ തന്നെ ഇവയിൽ ഏറ്റവും കൂടുതൽ കളക്ഷൻ നേടിയ മോഹൻലാൽ ചിത്രം നേര് ആണ്. 85.1 കോടിയാണ് ചിത്രം നേടിയ കളക്ഷൻ എന്നാണ് റിപ്പോർട്ട്. എന്നാൽ ദൃശ്യം ഫ്രാഞ്ചൈസിക്കും ട്വൽത്ത് മാനും ശേഷം ജീത്തു ജോസഫ് – മോഹൻലാൽ കൂട്ടുകെട്ടിൽ ഇറങ്ങിയ ചിത്രം ഏറെ ശ്രദ്ധനേടിയിരുന്നു. അതേസമയം ഏറ്റവും കുറവ് കളക്ഷൻ നേടിയിരിക്കുന്നത് എലോൺ ആണ്. ആകെ 1.1 കോടിയാണ് ചിത്രത്തിന്റെ കളക്ഷൻ.
Also Read: നടിയുടെ വെളിപ്പെടുത്തൽ; ചോദ്യങ്ങളോട് തട്ടിക്കയറി ജീവ, പ്രതികൂട്ടിൽ തമിഴ്സിനിമ
മോഹൻലാലിനേക്കാൾ ഹിറ്റുകൾ നേടിയത് മമ്മൂട്ടിയോ
മലൈക്കോട്ടൈ വാലിബൻ -30 കോടി
നേര് – 85.1 കോടി
എലോൺ – 1.1 കോടി
മോൺസ്റ്റർ – 6.95 കോടി
ആറാട്ട് – 24 കോടി
മരക്കാർ – 51 കോടി
Also Read: ഹേമ കമ്മിറ്റി റിപ്പോർട്ട്, തമിഴിൽ വേണമെന്നത് തനിക്ക് അറിയില്ല :രജനികാന്ത്
പാൻഡമിക്കിന് ശേഷം മോഹൻലാലിന് നേടാനായത് ആകെ മൊത്തം 198.15 കോടിയുടെ ബിസിനസ് ആണ് . അതേസമയം, മമ്മൂട്ടിയുടെ പതിനൊന്ന് സിനിമകളുടെ ലിസ്റ്റ് നേരത്തെ സൗത്ത് ഇന്ത്യൻ ബോക്സ് ഓഫീസ് പുറത്തുവിട്ടിരുന്നു. 82% ആയിരുന്നു ഇവയുടെ ഹിറ്റ് റേഷ്യോ. ഭീഷ്മപർവം- 88.1 കോടി, ടർബോ- 73 കോടി, ഭ്രമയുഗം – 58.8 കോടി, കാതൽ ദ കോർ – 15 കോടി, കണ്ണൂർ സ്ക്വാഡ് – 83.65 കോടി, ക്രിസ്റ്റഫർ – 11.25 കോടി, നൻപകൽ നേരത്ത് മയക്കം – 10.2 കോടി, റോഷാക്ക് – 39.5 കോടി, സിബിഐ 5 – 36.5 കോടി, കോടി, വൺ – 15.5 കോടി, ദി പ്രീസ്റ്റ് – 28.45 കോടി എന്നിങ്ങനെയായിരുന്നു പുറത്തുവന്ന കണക്കുകൾ.
