തിരുവനന്തപുരം; പുതിയ അധ്യയനവര്‍ഷത്തിന് നാളെ തുടക്കം. മൂന്നുലക്ഷത്തിലധികം കുട്ടികളെയാണ് ഒന്നാം ക്ലാസിലേക്ക് ഇത്തവണ പ്രതീക്ഷിക്കുന്നത്. സംസ്ഥാനതല പ്രവേശനോത്സവം കൊച്ചി എളമക്കര ഗവ.ഹയര്‍സെക്കണ്ടറി സ്കൂളില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.
പ്രവേശനോല്‍സവത്തിന്‍റെ ആവസാനഘട്ട ഒരുക്കത്തിലാണ് എളമക്കര ഗവ.ഹയര്‍സെക്കണ്ടറി സ്കൂള്‍. മുഖ്യമന്ത്രിയും മന്ത്രിമാരും പ്രതിപക്ഷനേതാവുമടക്കം ആയിരത്തിലധികമാളുകള്‍ ആഘോഷത്തിന്‍റെ ഭാഗമാകും. പ്രവേശനോത്‍സവ ഗാനത്തിന് കുട്ടികള്‍ തയാറാക്കിയ ദൃശ്യാവിഷ്ക്കാരം തന്നെയാകും പ്രധാന ആകര്‍ഷണം.
സംസ്ഥാനത്ത് ഈ അധ്യയനവര്‍ഷം 40 ലക്ഷത്തിലധികം വിദ്യാര്‍ഥികളാണ് സ്കൂളുകളിലേക്കെത്തുന്നത്. ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി ഒന്നാം വര്‍ഷ പ്രവേശന നടപടികള്‍ പൂര്‍ത്തിയായതിനുശേഷം ക്ലാസുകള്‍ ജൂണ്‍ 24ന് തുടങ്ങും. വടക്കന്‍ ജില്ലകളിലും പ്രവേശനോല്‍സത്തിന്‍റെ ഒരുക്കങ്ങള്‍ പൂര്‍ത്തിയായി.
