ഈരാറ്റുപേട്ട: കെഎസ്ആർടിസി ഈരാറ്റുപേട്ട ഡിപ്പോയിൽ നിന്ന് ഓപ്പറേറ്റ് ചെയ്യുന്ന പാലാ-ഈരാറ്റുപേട്ട- തെങ്കാശി ബസ് പാലാ ഡിപ്പോയുടെ കീഴിലേക്ക് മാറ്റാൻ ശ്രമം നടക്കുന്നതായി ആരോപണം. പാലായിൽ നിന്ന് സർവീസ് ആരംഭിക്കുന്നത് കണക്കിലെടുത്താണ് തെങ്കാശി ബസ് പാലാ ഡിപ്പോയിലേക്ക് മാറ്റുന്നത് എന്നാണ് റിപ്പോർട്ടുകൾ പറയുന്നത്.
കോവിഡിനു മുമ്പ് 60 ലധികം ബസ് സർവീസുകൾ ഉണ്ടായിരുന്ന ഇവിടെ ഇപ്പോൾ 36 സർവീസുകൾ മാത്രമാണ് ഉള്ളത്. ബാക്കി സർവീസുകളെല്ലാം പിൻവലിക്കുകയും, ഈരാറ്റുപേട്ടയുടെ കോയമ്പത്തൂർ ബസ് മറ്റൊരു ഡിപ്പോയിലേക്ക് മാറ്റാനും ശ്രമം ആരംഭിച്ചതായി ജീവനക്കാർ പറയുന്നു.
Also Read : ‘മുലയൂട്ടുകയെന്നത് ഏതൊരു അമ്മയുടെയും അവകാശം’; ഹൈക്കോടതി
പാലാ ഡിപ്പോയുടെ കീഴിലുള്ള ബസുകൾ ഈരാറ്റുപേട്ടയിൽ നിന്ന് സർവീസ് ആരംഭിക്കുന്നുണ്ട്. ബസുകൾ മാറ്റാനുള്ള ശ്രമത്തിൽനിന്ന് അധികൃതർ പിൻമാറണമെന്നാണ് ജനങ്ങളുടെ ആവശ്യം. ഈരാറ്റുപേട്ട ഡിപ്പോയിലേക്ക് പുതിയ ബസുകൾ അനുവദിക്കണമെന്ന് നാട്ടുകാർ ആവശ്യപ്പെടുന്നതിനിടെയാണ് പുതിയനീക്കം.