മുംബൈ: സ്ത്രീകള്‍ക്കും കുട്ടികള്‍ക്കുമുള്ള ആരോഗ്യ പരിരക്ഷാ പദ്ധതി അവതരിപ്പിച്ച് നിത അംബാനി. സര്‍ എച്ച് എന്‍ റിലയന്‍സ് ഫൗണ്ടേഷന്‍ ഹോസ്പിറ്റലിന്റെ വാര്‍ഷികത്തോടനുബന്ധിച്ചാണ് പ്രഖ്യാപനം നടത്തിയിരിക്കുന്നത്. കുട്ടികള്‍, കൗമാരപ്രായക്കാരായ പെണ്‍കുട്ടികള്‍, സ്ത്രീകള്‍ എന്നിവരെ പരിശോധിക്കുന്നതിനും ചികിത്സിക്കുന്നതിനുമായി അവതരിപ്പിച്ചതാണ് ഈ പദ്ധതി.
ജന്മനാ ഹൃദ്രോഗമുള്ള 50,000 കുട്ടികള്‍ക്ക് സൗജന്യ പരിശോധനയും ചികിത്സയും, സ്തനാര്‍ബുദവും അര്‍ബുദവും ബാധിച്ച 50,000 സ്ത്രീകള്‍ക്ക് സൗജന്യ പരിശോധനയും ചികിത്സയും പദ്ധതി വാഗ്ദാനം ചെയ്യുന്നു. ഒപ്പം, കൗമാരപ്രായക്കാരായ 10,000 പെണ്‍കുട്ടികള്‍ക്ക് സൗജന്യ ഗര്‍ഭാശയ കാന്‍സര്‍ വാക്‌സിനേഷനും നല്‍കുമെന്ന് റിലയന്‍സ് ഇന്‍ഡസ്ട്രീസ് അറിയിച്ചിട്ടുണ്ട്.
Also Read: 1 മില്യണ്‍ ഡോളര്‍ ഗിവ് എവേ’; ഇലോണ്‍ മസ്‌കിനെതിരെ കേസ്
സര്‍ എച്ച് എന്‍ റിലയന്‍സ് ഫൗണ്ടേഷന്‍ ഹോസ്പിറ്റലിന്റെ പത്താം വാര്‍ഷിക ആഘോഷമാണ് നടക്കുന്നത്. കഴിഞ്ഞ പത്ത് വര്‍ഷത്തിനുള്ളില്‍ ഒന്നര ലക്ഷത്തിലധികം കുട്ടികള്‍ ഉള്‍പ്പെടെ 2.75 ദശലക്ഷം പേര്‍ക്ക് ആശുപത്രി ഭക്ഷണം നല്‍കിയിട്ടുണ്ടെന്ന് റിലയന്‍സിന്റെ റിപ്പോര്‍ട്ടില്‍ പറയുന്നു. 500-ലധികം അവയവമാറ്റ ശസ്ത്രക്രിയകള്‍ നടത്തിയ ആശുപത്രിക്ക് 24 മണിക്കൂറിനുള്ളില്‍ 6 അവയവങ്ങള്‍ മാറ്റിവച്ചതിന്റെ റെക്കോര്‍ഡും സ്വന്തമാണ്.
നിത അംബാനിയുടെ നേതൃത്വത്തിലുള്ള റിലയന്‍സ് ഫൗണ്ടേഷനാണ് സര്‍ എച്ച്എന്‍ റിലയന്‍സ് ഫൗണ്ടേഷന്‍ ഹോസ്പിറ്റല്‍ ആന്‍ഡ് റിസര്‍ച്ച് സെന്റര്‍ നിയന്ത്രിക്കുന്നത്. മുംബൈയിലെ ഗിര്‍ഗാവ് പ്രദേശത്ത് സ്ഥിതി ചെയ്യുന്ന സര്‍ എച്ച്എന്‍ റിലയന്‍സ് ഫൗണ്ടേഷന്‍ ഹോസ്പിറ്റല്‍ ആന്‍ഡ് റിസര്‍ച്ച് സെന്റര്‍ 1925-ല്‍ ഗോര്‍ദ്ധന്‍ദാസ് ഭഗവാന്‍ദാസ് നരോത്തംദാസ് സ്ഥാപിച്ചതാണ്, പിന്നീട് ഇത് 2014-ല്‍ നവീകരിക്കുകയുണ്ടായി.
Also Read: കളര്‍ഫുള്‍ പോസ്റ്ററുമായി ദി പെറ്റ് ഡീറ്റെക്റ്റീവ് !
മുംബൈക്കാരുടെ ജനകീയ ആശുപത്രിയെ അവര്‍ ഹര്‍ക്കിസോണ്ടാസ് ഹോസ്പിറ്റല്‍ എന്നും റിലയന്‍സ് ഹോസ്പിറ്റല്‍ എന്നും പേരിട്ട വിളിക്കുന്നു. ഹോസ്പിറ്റലിന്റെ സ്ഥാപകനായ ഗോര്‍ദ്ധന്‍ദാസ് ഭഗവാന്‍ദാസ് നരോത്തംദാസ് ഒരു ഫിസിഷ്യനും സാമൂഹിക പ്രവര്‍ത്തകനുമായിരുന്നു. സര്‍ എച്ച്എന്‍ റിലയന്‍സ് ഫൗണ്ടേഷന്‍ ഹോസ്പിറ്റല്‍ ആന്‍ഡ് റിസര്‍ച്ച് സെന്ററിന് അടിത്തറ പാകിയത് ലേഡി വില്ലിംഗ്ഡണ്‍ ആണ്. 1925-ല്‍ നിര്‍മ്മാണം പൂര്‍ത്തിയായപ്പോള്‍ ബോംബെ ഗവര്‍ണറായിരുന്ന ലെസ്ലി വില്‍സണ്‍ ആശുപത്രി ഉദ്ഘാടനം ചെയ്തു.
2006-ല്‍ റിലയന്‍സ് ഫൗണ്ടേഷന്‍ ഈ ആശുപത്രി ഏറ്റെടുക്കുകയും 2011-ല്‍ ഇതിന്റെ നവീകരണം ആരംഭിക്കുകയും ചെയ്തു. നവീകരിച്ച ശേഷം, ഇന്ത്യന്‍ പ്രധാനമന്ത്രി നരേന്ദ്ര മോദി 2014 ഒക്ടോബര്‍ 25-ന് സര്‍ എച്ച്എന്‍ റിലയന്‍സ് ഫൗണ്ടേഷന്‍ ഹോസ്പിറ്റല്‍ ആന്‍ഡ് റിസര്‍ച്ച് സെന്റര്‍ ഉദ്ഘാടനം ചെയ്തു.
