തിരുവനന്തപുരം: ശ്രീപത്മനാഭ സ്വാമി ക്ഷേത്രത്തിലെ നിവേദ്യ ഉരുളി മോഷ്ടിച്ച പ്രതികള് അറസ്റ്റിലായി. ഓസ്ട്രേലിയയില് സ്ഥിരതാമസമാക്കിയ ജാഗണേഷ് എന്ന ഇന്ത്യൻ വംശജനും, മൂന്നുസ്ത്രീകളും പിടിയിലായവരുടെ കൂട്ടത്തിൽ പെടുന്നു.
അമൂല്യ പുരാവസ്തുശേഖരത്തിൽ പെട്ട നിവേദ്യ ഉരുളിയാണ് പ്രതികൾ മോഷ്ടിച്ചത്. ഒക്ടോബര് 13 ന് രാവിലെയാണ് ക്ഷേത്രത്തില് മോഷണം നടന്നത്. അതീവസുരക്ഷാമേഖലയിലായിരുന്നു മോഷണം.
വിപുലമായ അന്വേഷണത്തിനൊടുവില് ഹരിയാനയില്വെച്ചാണ് പ്രതികള് പിടിയിലായത്. സംസ്ഥാന പോലീസിന്റേയും കേന്ദ്രസേനയുടേയും സുരക്ഷാവലയത്തിലുള്ള സ്ഥലത്തുനിന്നാണ് ഉരുളി മോഷണം പോയത്. ക്ഷേത്രത്തിലെ സുരക്ഷാവീഴ്ച സംബന്ധിച്ചും അന്വേഷണം നടക്കുന്നുണ്ട്.