മസ്കറ്റ്: ഗാസയിൽ ഇസ്രയേൽ നടത്തുന്ന ക്രൂരുത അവസാനിപ്പിക്കണമെന്ന് വിദേശകാര്യ മന്ത്രാലയത്തിലെ രാഷ്ട്രീയകാര്യ അണ്ടർസെക്രട്ടറി ശൈഖ് ഖലീഫ ബിൻ അലി അൽ ഹാർത്തി. ഇസ്രായേലും നിരവധി പ്രാദേശിക രാജ്യങ്ങളും തമ്മിലുള്ള സമീപകാല സാധാരണവത്ക്കരണം പലസ്തീൻ അവകാശങ്ങൾ മുന്നോട്ടു കൊണ്ടുപോകുന്നതിൽ പരാജയപ്പെട്ടു. ഇപ്പോഴത്തെ പ്രധാന പ്രശ്നം നമ്മൾ സാധാരണ നിലയിലായോ ഇല്ലയോ എന്നതല്ല, മറിച്ച് പലസ്തീൻ പ്രശ്നത്തിന് ഒരു പരിഹാരത്തിൽ എത്തിച്ചേരുകയും അവരുടെ അവകാശങ്ങൾ നൽകുകയും ചെയ്യുക എന്നതാണ്.
ഇസ്രയേലുമായുള്ള ബന്ധം സാധാരണ നിലയിലാക്കാൻ ഒമാൻ ഉദ്ദേശിക്കുന്നില്ലെന്നും അദ്ദേഹം വ്യക്തമാക്കി. സംഘർഷം തടയുന്നതിനായി മസ്‌കത്ത് അന്താരാഷ്ട്ര സമൂഹവുമായി സജീവമായി ഇടപഴകുന്നുണ്ടെന്ന് അദ്ദേഹം സൂചിപ്പിച്ചു.
Also Read: ഡൽഹിയിൽ ഇരുനില കെട്ടിടം തകർന്ന് അപകടം; 12 പേരെ രക്ഷപ്പെടുത്തി
ടെൽ അവീവുമായി ഒമാൻ നേരിട്ട് ആശയവിനിമയം നടത്തുന്നില്ല, ഇറാനും ടെൽ അവീവിനും ഇടയിൽ മധ്യസ്ഥതവഹിക്കുന്നുണ്ട്. പലസ്തീൻ ഐക്യദാർഢ്യത്തിനും സിവിലിയന്മാർക്കെതിരായ ആക്രമണങ്ങൾ അവസാനിപ്പിക്കുന്നതിനുള്ള പിന്തുണക്ക് സുൽത്താൻ ഹൈതം ബിൻ താരിഖിന്‍റെ പ്രതിബദ്ധത ഹാർത്തി എടുത്തുപറഞ്ഞു. കിഴക്കൻ ജറൂസലം തലസ്ഥാനമായി സ്വതന്ത്ര രാഷ്ട്രത്തിനുള്ള പലസ്തീനികളുടെ അവകാശം നൽകുന്നതിൽ, അതിന്‍റെ ഉത്തരവാദിത്തങ്ങൾ ഉയർത്തിപ്പിടിക്കാൻ അന്താരാഷ്ട്ര സമൂഹത്തോട് ആവശ്യപ്പെടുകയാണ്.
Also Read: വിമാനത്തിന്റെ പിൻഭാഗം റൺവേയിൽ ഇടിച്ചതായി റിപ്പോർട്ട്
അറബ് ലീഗിനെയും സംയുക്ത അറബ് പ്രവർത്തനത്തിനായി സമർപ്പിച്ചിരിക്കുന്ന പ്രാദേശിക സംഘടനകളെയും ശക്തിപ്പെടുത്തുന്നതിലൂടെ നേടിയെടുക്കാവുന്ന അറബ് ഐക്യത്തിനുള്ള ഒമാന്‍റെ ആഹ്വാനം അദ്ദേഹം ആവർത്തിച്ച് വ്യക്തമാക്കുകയും ചെയ്തു.
