കാ​ർ​ബ​ൺ ഇനി വേണ്ട; ഖ​ത്ത​ർ മ്യൂ​സി​യ​ത്തി​ന് പു​ര​സ്കാ​രം

ദോ​ഹ: ​കാ​ർ​ബ​ൺ ബ​ഹി​ർ​ഗ​മ​നം കു​റ​ച്ചു കൊണ്ട്, പ​രി​സ്ഥി​തി സൗ​ഹൃ​ദ​മാ​യ ചു​വ​ടു​വെ​പ്പു​ക​ൾ​ക്ക് തുടക്കമിട്ട ഖ​ത്ത​ർ നാ​ഷ​ന​ൽ മ്യൂ​സി​യ​ത്തി​ന് അം​ഗീ​കാ​രം. 2022 ഏ​പ്രി​ൽ മു​ത​ൽ 2023 മാ​ർ​ച്ച് വ​രെ​യു​ള്ള പ്രകടന അം​ഗീ​കാ​ര​മാ​യാണ് കാ​ർ​ബ​ൺ ന്യൂ​ട്രാ​ലി​റ്റി സ​ർ​ട്ടി​ഫി​ക്ക​റ്റ് ഖ​ത്ത​ർ ദേ​ശീ​യ മ്യൂ​സി​യ​ത്തെ തേ​ടി​യെ​ത്തി​യ​ത്.

ഒരു സാം​സ്കാ​രി​ക സ്ഥാ​പ​നം എ​ങ്ങ​നെ സു​സ്ഥി​ര-​പ​രി​സ്ഥി​തി സൗ​ഹൃ​ദ പ്ര​വ​ർ​ത്ത​ന​ങ്ങ​ളി​ൽ മാ​തൃ​ക​യാ​വു​ന്നു​ എ​ന്ന​തി​ന്റെ സാ​ക്ഷ്യ​പ്പെ​ടു​ത്ത​ലാ​ണ് ഈ അം​ഗീ​കാ​രം. മ്യൂ​സി​യ​ത്തി​ന് പ​രി​സ്ഥി​തി മി​ക​വി​നു​ള്ള അം​ഗീ​കാ​ര​മെ​ത്തു​ന്ന​ത്, ഗ​ൾ​ഫ് ​ഓ​ർ​ഗ​നൈ​സേ​ഷ​ൻ ഫോ​ർ റി​സ​ർ​ച് ആ​ൻ​ഡ് ഡെ​വ​ല​പ്മെ​ന്റു​മാ​യി (ഗോ​ർ​ഡ്) സ​ഹ​ക​രി​ച്ചാ​ണ്.

‘ഗോ​ർ​ഡി​ന്റെ’ വൈ​ദ​ഗ്ധ്യം കാ​ലാ​വ​സ്ഥ വ്യ​തി​യാ​ന​ത്തി​ലും സു​സ്ഥി​ര​ത​യി​ലും പ്ര​യോ​ജ​ന​പ്പെ​ടു​ത്തി, ഹ​രി​ത​ഗൃ​ഹ വാ​ത​ക​ങ്ങ​ൾ പു​റ​ന്ത​ള്ളു​ന്ന സാ​ഹ​ച​ര്യ​ങ്ങ​ൾ കു​റ​ക്കു​ക​യും, ഇതോടെ സ​മ​ഗ്ര​മാ​യ കാ​ർ​ബ​ൺ ന്യൂ​ട്രാ​ലി​റ്റി പ്ലാ​ൻ വി​ക​സി​പ്പി​ക്കു​ക​യും ചെ​യ്തു​കൊ​ണ്ടാണ് ദേ​ശീ​യ മ്യൂ​സി​യം ഈ ​നേ​ട്ടം കൊ​യ്ത​ത്. കാ​ർ​ബ​ൺ ബ​ഹി​ർ​ഗ​മ​നം കു​റ​ക്കാ​നു​ള്ള ചു​വ​ടു​വെ​പ്പു​ക​ൾ​ക്കു​ള്ള അം​ഗീ​കാ​ര​മാ​ണ് ന്യൂ​ട്രാ​ലി​റ്റി സ​ർ​ട്ടി​ഫി​ക്ക​റ്റ് നേ​ട്ട​​മെ​ന്ന് നാ​ഷ​ന​ൽ മ്യൂ​സി​യം ഡ​യ​റ​ക്ട​ർ ശൈ​ഖ് അ​ബ്ദു​ൽ അ​സീ​സ് ആ​ൽ​ഥാ​നി.

പ​രി​സ്ഥി​തി സൗ​ഹൃ​ദ​മാ​യ പ്ര​വ​ർ​ത്ത​ന​ങ്ങ​ളി​ലൂ​ടെ ലോ​ക​മെ​ങ്ങു​മു​ള്ള പൈ​തൃ​ക സം​ര​ക്ഷ​ണ സ്ഥാ​പ​ന​ങ്ങ​ൾ​ക്ക് ദേ​ശീ​യ മ്യൂ​സി​യം മാ​തൃ​ക​യാ​വു​ന്ന​താ​യി ഗോ​ർ​ഡ് സ്ഥാ​പ​ക ചെ​യ​ർ​മാ​ൻ ഡോ. ​യൂ​സു​ഫ് അ​ൽ​ഹോ​റും വ്യക്തമാക്കി.

ജീ​വ​ന​ക്കാ​രെ പ​രി​സ്ഥി​തി സൗ​ഹൃ​ദ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ത്തു​ക, ഊ​ർ​ജ-​കാ​ര്യ​ക്ഷ​മ​മാ​യ സാ​ങ്കേ​തി​ക വി​ദ്യ​ക​ളു​ടെ ഉ​പ​യോ​ഗം, മാ​ലി​ന്യ നി​ർ​മാ​ർ​ജ​ന​വും പു​ന​രു​പ​യോ​ഗ​വും പ്രോ​ത്സാ​ഹി​പ്പി​ക്കു​ക, പു​ന​രു​ൽ​പാ​ദ​ന ഊ​ർ​ജ സ്രോ​ത​സ്സു​ക​ളി​ലേ​ക്കു​ള്ള മാ​റ്റം, സു​സ്ഥി​ര ഗ​താ​ഗ​തം പ്രോ​ത്സാ​ഹി​പ്പി​ക്കു​ക, ജ​ല ഉ​പ​ഭോ​ഗം നി​യ​ന്ത്രി​ക്കു​ക, കാ​ർ​ബ​ൺ ബ​ഹി​ർ​ഗ​മ​നം സം​ബ​ന്ധി​ച്ച് കൃ​ത്യ​മാ​യുള്ള വി​ല​യി​രു​ത്ത​ൽ എ​ന്നി​വ ഉ​ൾ​പ്പെ​ടു​ന്ന​താ​ണ് മ്യൂ​സി​യ​ത്തി​ന്റെ പ്രധാന പ​ദ്ധ​തി.