യുക്രെയ്നെതിരെ റഷ്യയ്ക്കായി പൊരുതാൻ ഉത്തര കൊറിയക്കാർ

കീവ്: രണ്ടര വർഷം പിന്നിടുന്ന റഷ്യ-യുക്രൈൻ യുദ്ധത്തിൽ പോരാടാൻ റഷ്യയ്ക്ക് ഉത്തര കൊറിയയിൽ നിന്ന് ആയുധം മാത്രമല്ല, ആൾസഹായവുമുണ്ടെന്ന ആരോപണങ്ങൾക്കു തെളിവുമായി യുക്രെയ്ൻ. സഖ്യരാജ്യമായ റഷ്യയ്ക്കൊപ്പംനിന്നു പൊരുതാൻ ഉത്തര കൊറിയയിൽ നിന്നെത്തിയവർ സൈനിക യൂണിഫോമും ബാഗുകളും കൈപ്പറ്റാനായി വരിനിൽക്കുന്നതിന്റെ വിഡിയോയാണു യുക്രെയ്ൻ സാംസ്കാരിക,വാർത്താവിതരണ മന്ത്രാലയത്തിനു കീഴിലുള്ള സ്ട്രാറ്റജിക് കമ്യൂണിക്കേഷൻസ് കേന്ദ്രം പുറത്തുവിട്ടത്. റഷ്യൻ സൈനികരിലൊരാൾ പകർത്തിയ ദൃശ്യങ്ങളാണെന്നാണ് യുക്രെയ്ൻ പറയുന്നത്. എന്നാൽ ആ സ്ഥലം ഏതെന്നു വ്യക്തമല്ല.