പ്രശസ്ത ഇലക്ട്രിക് ഇരുചക്ര വാഹന നിർമ്മാതാക്കളായ ഏഥർ, ഇലക്ട്രിക്ക് സെനിത്ത്, ഇഎൽ എന്നിങ്ങനെ രണ്ട് പുതിയ ഇലക്ട്രിക് ഇരുചക്രവാഹന പ്ലാറ്റ്‌ഫോമുകളുടെ പണിപ്പുരയിലാണെന്ന് റിപ്പോര്‍ട്ട്. ബാംഗ്ലൂർ ആസ്ഥാനമായി ആണ് ഈ ഇരുചക്ര വാഹന നിർമ്മാതാക്കൾ പ്രവർത്തിക്കുന്നത്.
ആദ്യത്തേത് ബ്രാൻഡിൻ്റെ വരാനിരിക്കുന്ന ഇലക്ട്രിക് മോട്ടോർസൈക്കിളുകൾക്കായി ഉപയോഗിക്കുമെങ്കിലും, രണ്ടാമത്തേത് ഭാവിയിലെ ഏഥർ ഇ-സ്കൂട്ടറുകൾക്ക് അടിസ്ഥാനമിടും. ആഭ്യന്തര, ആഗോള വിപണി ആവശ്യകതകൾ നിറവേറ്റുന്നതിനായി രൂപകൽപ്പന ചെയ്‌തിരിക്കുന്ന, ചെലവ് കുറഞ്ഞ ഒന്നിലധികം ഏഥർ സ്‌കൂട്ടറുകൾക്കായി ഇഎൽ പ്ലാറ്റ്‌ഫോം ഉപയോഗിക്കും.
Also Read: X-ട്രെയിൽ രാജ്യത്തിന് സമ്മാനിച്ച് നിസാൻ: ഒക്ടോബർ നാലിന് അരങ്ങേറ്റം കുറിക്കും
അണിയറയിൽ ഒരുങ്ങുന്നത് എണ്ണംപറഞ്ഞ മോഡലുകളോ!
ഏഥറിന്റെ ഈ പുതിയ ഇലക്ട്രിക് പ്ലാറ്റ്‌ഫോമുകളെ അടിസ്ഥാനമാക്കിയുള്ള ഉൽപ്പന്നങ്ങൾ മഹാരാഷ്ട്രയിലെ ഔറംഗബാദിലുള്ള കമ്പനിയുടെ വരാനിരിക്കുന്ന പ്ലാൻ്റിൽ ആയിരിക്കും നിർമ്മിക്കുക. 2026 മെയ് മുതൽ ഘട്ടം ഘട്ടമായി നിർമ്മാണം ആരംഭിക്കുമെന്നാണ് റിപ്പോർട്ട്.
Also Read: ഫോഡ് ഇന്ത്യയിലേക്ക് തിരിച്ചെത്തുന്നു; വീണ്ടും പ്ലാന്റ് തുറക്കും
നിലവിൽ പ്രതിവർഷം 4.2 ലക്ഷം യൂണിറ്റ് ശേഷിയുള്ള തമിഴ്‌നാട്ടിലെ ഹൊസൂരിൽ ഏഥറിന് രണ്ട് ഉൽപ്പാദന പ്ലാൻ്റുകളുണ്ട്. എന്നാൽ ഇനി വരാനിരിക്കുന്ന ഇലക്ട്രിക് ബൈക്കുകളുടെയും പുതിയ സ്കൂട്ടറുകളുടെയും ലോഞ്ച് ടൈംലൈൻ കമ്പനി ഇതുവരെ വെളിപ്പെടുത്തിയിട്ടില്ല. ഈ സമയത്ത് ഇവയുടെ കൂടുതൽ വിശദാംശങ്ങൾ ലഭ്യമല്ല.
