പഠനം പൂര്‍ത്തിയായിട്ടും ജോലി ലഭിക്കാന്‍ ഏറെ ബുദ്ധുമുട്ടേണ്ടിവന്നെന്ന് നടന്‍ അമിതാഭ് ബച്ചന്‍.ബിഗ് ബി അവതരപ്പിക്കുന്ന ടെലിവിഷന്‍ ഷോയിലാണ് ഇക്കാര്യം പറഞ്ഞത്. പഠിച്ച കാര്യങ്ങളൊന്നും പിന്നീടുള്ള ജീവിതത്തില്‍ പ്രയോജനപ്പെട്ടില്ലെന്നും പഠിച്ചതൊന്നും തനിക്ക് ഓര്‍മയില്ലെന്നും ബച്ചന്‍ പറഞ്ഞു.
ബി.ടെക് എഞ്ചിനിയറിങ് ബിരുദധാരിയായ റിഷിയാണ് ഇത്തവണ ബച്ചന്റെ ഷോയില്‍ എത്തിയത്. പഠിത്തം കഴിഞ്ഞെന്നും നിലവില്‍ ജോലി അന്വേഷിക്കുകയാണന്നും റിഷി ബച്ചനോട് പറഞ്ഞു. ഇന്നത്തെ കാലത്ത് എഞ്ചിനീയര്‍മാര്‍ക്ക് ജോലി ലഭിക്കാന്‍ ബുദ്ധിമുട്ടാണെന്ന തരത്തില്‍ റിഷി ബച്ചനോട് പറഞ്ഞു.ജോലി ഇല്ലെന്ന് അറിഞ്ഞിട്ടും എന്തിനാണ് അത് പഠിച്ചതെന്ന് മറുചോദ്യം ചോദിച്ചുകൊണ്ടാണ് തന്റെ അനുഭവം ബിഗ് ബി വിവരിച്ചത്.
‘ഞാന്‍ ബി.എ.സിയാണ് പഠിച്ചത്. എന്തു സംഭവക്കുമെന്ന് പോലും അറിയില്ലായിരുന്നു. പഠിത്തിന് ശേഷവും ഒന്നും അറിഞ്ഞില്ല, ഒന്നും സംഭവിച്ചതുമില്ല. ഞാന്‍ എവിടെയൊക്കെയോ പോയി. പക്ഷെ ബി.എസിയോ ഒന്നും പ്രയേജനപ്പെട്ടില്ല. ഇന്നുവരെ ഞാന്‍ പഠിച്ച ഒരു കാര്യവും എനിക്കറിയില്ല’- ബച്ചന്‍ പറഞ്ഞു.
