കോഴിക്കോട്: കോഴിക്കോട് അത്തോളിയിൽ വീട്ടമ്മയെ കൊല്ലാൻ ശ്രമം. വിവാഹഭ്യർത്ഥന നിരസിച്ചതിനെ തുടർന്നാണ് പേരാമ്പ്ര സ്വദേശിയായ വീട്ടമ്മയെ കൊടക്കല്ലിൽ പെട്രോൾ പമ്പിന് സമീപം താമസിക്കുന്ന മഷൂദ് (33) കത്തി വീശി കൊല്ലാൻ ശ്രമിച്ചത്.
ജോലി കഴിഞ്ഞ് തിരിച്ച് വരുന്നത് വഴി വീടിന് സമീപത്ത് വെച്ച് ഇയാൾ യുവതിയുടെ നേരെ കത്തി വീശുകയായിരുന്നു. കഴുത്തിന് മുറിവേറ്റ യുവതിയെ മലബാര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. കഴുത്തിൽ ഷാൾ ഉള്ളതിനാൽ ആഴത്തിൽ മുറിവേൽക്കാതെ രക്ഷപ്പെടുകയായിരുന്നു. യുവതി അപകട നില തരണം ചെയ്തതായി ആശുപത്രി അധികൃതർ പറഞ്ഞു. യുവതിയുടെ പരാതിയെ തുടർന്ന് മഷൂദിനെതിരെ വധശ്രമത്തിന് പോലീസ് കേസെടുത്തു.
