കാരേറ്റ്: നിരോധിത പുകയില ഉത്പന്നങ്ങളുമായി യുവാവ് പിടിയിൽ. തിരുവനന്തപുരം കാരേറ്റ് സ്വദേശി ഷംനാദ് ആണ് എക്സൈസിന്റെ പിടിയിലായത്. 40 ചാക്കുകളിലായി സൂക്ഷിച്ചിരുന്ന 1480 കിലോഗ്രാം നിരോധിത പുകയില ഉൽപ്പന്നങ്ങളാണ് ഇയാളുടെ കൈയ്യിൽ നിന്നും എക്സൈസ് പിടിച്ചെടുത്തത്.
എക്സൈസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ പ്രതി വാടകയ്‌ക്കെടുത്ത് നടത്തിയിരുന്ന ഗോഡൗണിൽ നടത്തിയ പരിശോധനയിലാണ് വൻ പുകയില ഉൽപ്പന്നങ്ങളുടെ ശേഖരം കണ്ടെത്തിയത്. തിരുവനന്തപുരം അസിസ്റ്റന്റ് എക്സൈസ് കമ്മീഷണർ സുഭാഷിന്റെ നിർദ്ദേശാനുസരണം ആറ്റിങ്ങൽ എക്സൈസ് സർക്കിൾ ഇൻസ്‌പെക്ടർ ഷൈബു പി ഇ യുടെ നേതൃത്വത്തിലായിരുന്നു പരിശോധന നടന്നത്.
