അങ്കമാലി: അങ്കമാലിയിലെ ബാറിൽ യുവാവ് കുത്തേറ്റു മരിച്ച സംഭവത്തിൽ ഒരാൾ കൂടി അറസ്റ്റിലായി. തുറവൂർ പയ്യപ്പിള്ളി വീട്ടിൽ റോണി(41 )നെയാണ് അങ്കമാലി പോലീസ് അറസ്റ്റ് ചെയ്തത്. കിടങ്ങൂർ സ്വദേശി ആഷിഖ് മനോഹര (39) നെയാണ് പ്രതികൾ സംഘം ചേർന്ന് കൊലപ്പെടുത്തിയത്.
കേസിലെ മൂന്നാം പ്രതിയായ റോണി സംഭവത്തിന് ശേഷം വിവിധ സ്ഥലങ്ങളിൽ ഒളിവിൽ കഴിയുകയായിരുന്നു. ആലുവ ഡി.വൈ.എസ്.പി ടി.ആർ രാജേഷിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ അങ്കമാലി ഇൻസ്പെക്ടർ ആർ.വി അരുൺകുമാറിന്റെ നേതൃത്വത്തിലുള്ള സംഘമാണ് റോണിയെ പിടികൂടിയത്.
അതേസമയം സംഭവവുമായി ബന്ധപ്പെട്ട ഒമ്പത് പേരെ നേരത്തെ പോലീസ് അറസ്റ്റ് ചെയ്തിരുന്നു. അന്വേഷണ സംഘത്തിൽ അങ്കമാലി എസ്.ഐ കെ. പ്രദീപ് കുമാർ, എ.എസ്.ഐ ഫ്രാൻസിസ്, സീനിയർ സി.പി.ഒ എബി സുരേന്ദ്രൻ, സി. പി.ഒ ഷിഹാബ് എന്നിവരാണുള്ളത്.
