ഗൊരഖ്പൂര്: ഉത്തർ പ്രദേശിലെ ഗൊരഖ്പൂരിനെ ഭീതിയിലാഴ്ത്തിയ മോഷ്ടാവ് പിടിയിൽ. അജയ് നിഷാദ് എന്നയാളാണ് പോലീസിന്റെ പിടിയിലായത്. ഇയാൾ രാത്രിയിൽ ഉറങ്ങിക്കിടക്കുന്ന സ്ത്രീകളുടെ തലയ്ക്ക് അടിച്ച് പരിക്കേൽപ്പിച്ചാണ് മോഷണം നടത്തുന്നത്. ഇത്തരത്തിൽ 5 കേസുകളോളം റിപ്പോർട്ട് ചെയ്‌തിട്ടുണ്ട്‌.
2022ൽ പോക്സോ കേസിൽ അജയ് നിഷാദ് അറസ്റ്റിലാകുകയും ആറ് മാസത്തോളം ജയിലിലുമായിരുന്നു. ജയിലിൽ നിന്നിറങ്ങിയ ഇയാൾ ജൂലൈ 30ന് ഒരു സ്ത്രീയുടെ തലയ്ക്കടിച്ച് ആദ്യത്തെ കവർച്ച നടത്തി. പിന്നീട് ഓഗസ്റ്റ് 26, നവംബർ 10, നവംബർ 14 എന്നീ തീയതികളിലാണ് ഇയാൾ സമാനരീതിയിൽ കവർച്ച നടത്തിയത്. ഇതിൽ ഒരു സ്ത്രീ മരിക്കുകയും ബാക്കി സ്ത്രീകൾക്ക് പരിക്കേൽക്കുകയും ചെയ്തു.
