കേന്ദ്രസര്‍ക്കാര്‍ ശാസ്ത്രസാങ്കേതികവകുപ്പിന്റെ കീഴിലുള്ള ബെംഗളൂരു ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് അസ്ട്രൊഫിസിക്‌സ് (ഐ.ഐ.എ.), പോണ്ടിച്ചേരി കേന്ദ്രസര്‍വകലാശാലയുമായി സഹകരിച്ചുനടത്തുന്ന, ഐ.ഐ.എ.-പി.യു. പിഎച്ച്.ഡി. പ്രോഗ്രാം പ്രവേശനത്തിന് അപേക്ഷിക്കാം. അസ്ട്രൊണമി, അസ്ട്രൊഫിസിക്‌സ് മേഖലകളിലെ ഗവേഷണങ്ങള്‍ക്കാണ് അവസരം. പ്രവേശനം നേടുന്നവര്‍ക്ക് ഒരുവര്‍ഷത്തെ പ്രീ-പിഎച്ച്.ഡി. കോഴ്‌സ് വര്‍ക്ക് ഉണ്ടാകും.
അസ്ട്രൊഫിസിക്‌സിന്റെ മുഖ്യമേഖലകളുമായി ബന്ധപ്പെട്ട ക്ലാസ് റൂം പഠനങ്ങള്‍ ഈ കാലയളവില്‍ നടക്കും. നാലുമാസം വീതമുള്ള രണ്ടുസെമസ്റ്ററുകള്‍ക്കുശേഷം ഒരു ഫാക്കല്‍റ്റിയുടെ മേല്‍നോട്ടത്തില്‍ മൂന്നുമാസം ദൈര്‍ഘ്യമുള്ള ഒരു ഹ്രസ്വകാല പ്രോജക്ട് വിദ്യാര്‍ഥിക്ക് ചെയ്യാം. കോര്‍ കോഴ്‌സുകളില്‍ റേഡിയോ ആക്ടീവ് പ്രോസസസ് ഇന്‍ അസ്ട്രൊഫിസിക്‌സ്, ഇന്‍ട്രോഡക്ഷന്‍ ടു ഫ്‌ലൂയിഡ്‌സ് ആന്‍ഡ് പ്ലാസ്മ, ന്യൂമറിക്കല്‍ ആന്‍ഡ് സ്റ്റാറ്റിസ്റ്റിക്കല്‍ ടെക്‌നിക്‌സ്, ജനറല്‍ റിലേറ്റിവിറ്റി ആന്‍ഡ് കോസ്‌മോളജി, ഗാലക്‌സീസ് ആന്‍ഡ് ഐ.എസ്.എം., സ്റ്റല്ലാര്‍ ആന്‍ഡ് ഹൈ എനര്‍ജി ഫിസിക്‌സ് തുടങ്ങിയവ ഉള്‍പ്പെടുന്നു.
Also Read: വിജ്ഞാപനം വ്യാജം; മുന്നറിയിപ്പുമായി ആരോഗ്യ സർവകലാശാല
കേന്ദ്രസര്‍ക്കാര്‍ ശാസ്ത്രസാങ്കേതികവകുപ്പിന്റെ കീഴിലുള്ള ബെംഗളൂരു ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് അസ്ട്രൊഫിസിക്‌സ് (ഐ.ഐ.എ.), പോണ്ടിച്ചേരി കേന്ദ്രസര്‍വകലാശാലയുമായി സഹകരിച്ചുനടത്തുന്ന, ഐ.ഐ.എ.-പി.യു. പിഎച്ച്.ഡി. പ്രോഗ്രാം പ്രവേശനത്തിന് അപേക്ഷിക്കാം. അസ്ട്രൊണമി, അസ്ട്രൊഫിസിക്‌സ് മേഖലകളിലെ ഗവേഷണങ്ങള്‍ക്കാണ് അവസരം. പ്രവേശനം നേടുന്നവര്‍ക്ക് ഒരുവര്‍ഷത്തെ പ്രീ-പിഎച്ച്.ഡി. കോഴ്‌സ് വര്‍ക്ക് ഉണ്ടാകും.
പ്രവേശനം ലഭിക്കുന്നവര്‍ക്ക് തുടക്കത്തില്‍ പ്രതിമാസം 37,000 രൂപ നിരക്കില്‍ ജൂനിയര്‍ റിസര്‍ച്ച് ഫെലോഷിപ്പ് (ജെ.ആര്‍.എഫ്.) ലഭിക്കും. രണ്ടുവര്‍ഷം കഴിഞ്ഞ് വിലയിരുത്തലിനുശേഷം (ഓപ്പണ്‍ സെമിനാര്‍, വൈവ) സീനിയര്‍ റിസര്‍ച്ച് ഫെലോഷിപ്പ് (എസ്.ആര്‍.എഫ്.) പ്രതിമാസം 42,000 രൂപയോടെ ലഭിക്കും. പ്രതിവര്‍ഷ ബുക്ക് ഗ്രാന്റ്, മെഡിക്കല്‍ സൗകര്യങ്ങള്‍ എന്നിവയും ഉണ്ട്. ഫെലോഷിപ്പ് കാലാവധി കോഴ്‌സ് വര്‍ക്ക് കാലയളവ് ഉള്‍പ്പെടെ സാധാരണഗതിയില്‍ പരമാവധി അഞ്ചുവര്‍ഷമാണ്. തീസിസ് സമര്‍പ്പണത്തിനുശേഷം പരമാവധി ഒരു വര്‍ഷത്തേക്ക് പ്രതിമാസ ഫെലോഷിപ്പായി 46,000 രൂപ ലഭിക്കാം. ഫെലോഷിപ്പ് ഇതിനപ്പുറത്തേക്കും തുടര്‍ന്നേക്കാം.
Also Read: മഹാരാജാസ് കോളേജിന് ഓട്ടോണമസ് പദവി നീട്ടി നല്‍കാതെ യുജിസി
ദേശീയ അന്തര്‍ദേശീയ സയന്റിഫിക് കോണ്‍ഫറന്‍സുകളില്‍ പങ്കെടുക്കാനുള്ള സഹായവും സ്‌കോളര്‍മാര്‍ക്ക് ലഭിക്കും. സാധാരണഗതിയില്‍ ഹോസ്റ്റല്‍ സൗകര്യം നല്‍കും. സ്വകാര്യഹോസ്റ്റല്‍ ഉപയോഗിക്കുന്നപക്ഷം ഹൗസ് റെന്റ് അലവന്‍സ് നല്‍കും. സഹായങ്ങള്‍ക്ക്: iiap.res.in സന്ദർശിക്കാം.
താഴെ പറയുന്നവയിൽ ഏതെങ്കിലും ഒരു യോഗ്യതാബിരുദം ആവശ്യമാണ്.
എം.എസ്സി./ ഇന്റഗ്രേറ്റഡ് എം.എസ്സി. (അപ്ലൈഡ് ഫിസിക്‌സ്/ എന്‍ജിനിയറിങ് ഫിസിക്‌സ്, അപ്ലൈഡ് മാത്തമാറ്റിക്‌സ്, അസ്ട്രൊണമി, ഇലക്ട്രോണിക്‌സ്, ഫോട്ടോണിക്‌സ്/ ഓപ്റ്റിക്‌സ്, ഫിസിക്‌സ്) എം.ഇ./ എം.ടെക്./ ഇന്റഗ്രേറ്റഡ് എം.ഇ./ എം.ടെക്. (അപ്ലൈഡ് ഫിസിക്‌സ്/ എന്‍ജിനിയറിങ് ഫിസിക്‌സ്, കംപ്യൂട്ടര്‍ സയന്‍സ്, ഇലക്ട്രിക്കല്‍, ഇലക്ട്രോണിക്‌സ്, ഇന്‍സ്ട്രുമെന്റേഷന്‍, ഫോട്ടോണിക്‌സ്/ ഓപ്റ്റിക്‌സ്/ ഓപ്‌റ്റോ ഇലക്ട്രോണിക്‌സ്; റേഡിയോ ഫിസിക്‌സ് ആന്‍ഡ് ഇലക്ട്രോണിക്‌സ്) എം.ഫില്‍. (അപ്ലൈഡ് ഫിസിക്‌സ്, ഇന്‍സ്ട്രുമെന്റേഷന്‍, മാത്തമാറ്റിക്‌സ്, ഫോട്ടോണിക്‌സ്/ ഓപ്റ്റിക്‌സ്, ഫിസിക്‌സ്) അക്കാദമിക് കരിയറിന്റെ എല്ലാതലങ്ങളിലും അധികമായി മാത്തമാറ്റിക്‌സ്, സയന്‍സ് (ഫിസിക്‌സ്) എന്നിവയിലും കുറഞ്ഞത് 60 ശതമാനം മാര്‍ക്കുണ്ടായിരിക്കണം. ഇവയില്‍ ഒരു യോഗ്യതാപരീക്ഷാസ്‌കോര്‍ നേടിയിരിക്കണം:
(i) ഫിസിക്‌സ് വിഷയത്തില്‍ സി.എസ്.ഐ.ആര്‍. – യു.ജി.സി. നെറ്റില്‍ ജെ.ആര്‍.എഫ്. (ഡിസംബര്‍ 2023, ജൂണ്‍ 2024)
(ii) ജെസ്റ്റ് 2024 ഫിസിക്‌സ് വിഷയത്തില്‍ കുറഞ്ഞത് 95-ാം പെര്‍സന്റൈല്‍ സ്‌കോര്‍
(iii) ഗേറ്റ് 2024 ഫിസിക്‌സ് വിഷയത്തില്‍ കുറഞ്ഞത് 95-ാം പെര്‍സന്റൈല്‍ സ്‌കോര്‍. പ്രവേശനസമയത്ത് സ്‌കോറിന് സാധുതയുണ്ടായിരിക്കണം.
ഉയര്‍ന്ന പ്രായപരിധി 28 വയസ്സ്. www.iiap.res.in/phd_2024/ വഴി ഒക്ടോബര്‍ 21-ന് വൈകീട്ട് 5.30 വരെ അപേക്ഷ നല്‍കാം.
